Beısenbi, 23 aqpan 2012 8:18
Árbir ekinshi brıtandyq top-menedjer 2012 jyldyń sońyna qaraı eýroaımaqtyń ydyraý táýekelin joǵary dep esepteıdi.
Júrgizilgen saýalnamaǵa sáıkes top-menedjerlerdiń 12 paıyzy táýekeldi «óte joǵary» dep baǵalasa, 38 paıyzy ánsheıin «joǵary» dep baǵalaıdy. Táýekeldi «bir qalypty» deıtinder 34 paıyzdy qurap otyr. Sonymen birge, top-menedjerlerdiń 35 paıyzy 2011 jyldyń sońǵy toqsanynda bastalǵan ekonomıkalyq quldyraý ústimizdegi jyly da jalǵasady dep esepteıdi. Italııa, Ispanııa jáne Portýgalııa elderi valıýta odaǵynan shyǵady degen de pikirler aıtylýda.
Beısenbi, 23 aqpan 2012 8:18
Árbir ekinshi brıtandyq top-menedjer 2012 jyldyń sońyna qaraı eýroaımaqtyń ydyraý táýekelin joǵary dep esepteıdi.
Júrgizilgen saýalnamaǵa sáıkes top-menedjerlerdiń 12 paıyzy táýekeldi «óte joǵary» dep baǵalasa, 38 paıyzy ánsheıin «joǵary» dep baǵalaıdy. Táýekeldi «bir qalypty» deıtinder 34 paıyzdy qurap otyr. Sonymen birge, top-menedjerlerdiń 35 paıyzy 2011 jyldyń sońǵy toqsanynda bastalǵan ekonomıkalyq quldyraý ústimizdegi jyly da jalǵasady dep esepteıdi. Italııa, Ispanııa jáne Portýgalııa elderi valıýta odaǵynan shyǵady degen de pikirler aıtylýda.
Úmitten góri kúdik kóp
Halyqaralyq valıýta qory eýroaımaq elderi Afınaǵa 130 mlrd.eýro qarjy bólýdi qýattaǵannan keıin Grekııaǵa 23 mlrd.eýro berýi múmkin.
Deı turǵanmen, HVQ men Eýroodaq Grekııaǵa kórsetiletin jańa kómek baǵdarlamasynyń tabysty bolaryna kúmán keltiredi. Eýrokomıssııa, Eýropa ortalyq banki men HVQ sarapshylary ekonomıkalyq reformalardy júzege asyrýdyń únemi keshiktirile berýi grek resessııasyn ýshyqtyra túsedi, al eldiń qaryzy 2020 jyly da IJО́-niń 160 paıyzy mólsherinde qalýy múmkin degen qaýip aıtýda. Grekııanyń jańa transh alýǵa qol jetkizgenine qaramastan, Grekııanyń ózi de, onyń kredıtorlary da belgilengen qatań ekonomııa josparynyń oryndalaryna onsha sene qoımaıdy.
Turmysy tómender qatary kóbeıýde
Reseıde ótken jyly tabystary eń tómengi kúnkóris deńgeıine jetpeıtinder qatary óse túsken.
Aldyn ala jasalǵan baǵalaý boıynsha, Reseıde kedeıshilik sheginde ómir súrip jatqandar 2011 jyl ishinde 12,6-dan 12,8 paıyzǵa deıin artqan. Osy eldiń Ekonomıkalyq damý mınıstrliginiń boljamy boıynsha, taıaýdaǵy eki jylda tabystary eń tómengi kúnkóris deńgeıine jetpeıtinder sany kóbeıe túspek. Jaǵdaı tek 2014 jyly ǵana jaqsarýy múmkin degen boljam aıtylýda.
Salyq stavkalary ózgermek
AQSh prezıdenti Barak Obamanyń ákimshiligi korporatıvtik tabys salyǵyn 20 paıyzǵa qysqartýdy usyndy.
Ákimshiliktiń resmı saıtynda kórsetilgendeı, korporasııa tabysynan alynatyn alymdy 35-ten 28 paıyzǵa deıin tómendetý qarastyrylyp otyr. Osylaısha, ónim óndirýshiler tabysyna salynatyn salyqtyń ortasha stavkasy (jeńildikterdi eskergende) AQSh-ta 25 paıyzdy quramaq. Prezıdent ákimshiligi sondaı-aq munaı men gaz óndiretin kompanııalar úshin tabys salyqtarynyń stavkasyn ulǵaıtýdy, sonymen birge, olardy birqatar jeńildikterden quralaqan qaldyrýdy da qarastyryp otyr.
Lıvııadaǵy ahýal tynyshtalar emes
Lıvııanyń Kýfra qalasy aımaǵyndaǵy taıpaaralyq janjaldar qarýly qaqtyǵysqa ulasyp, keminde 50 adam qaza tapqan.
Ál-Zavıa jáne Tabý taıpalary arasynda tutanǵan urystarda mınometter, raketalyq qondyrǵylar men pýlemetter qoldanylýda. Qalada elektr qýaty, sý men azyq-túlik joq. Qajetti jabdyqtar men dári-dármek tapshylyǵynan dárigerler jaralylardy eldiń soltústigindegi qalalarǵa aýystyrýǵa májbúr bolýda. Janjal shyqqan aımaqtaǵy turǵyndar da sol jaqtarǵa qashýda. О́tpeli ulttyq keńes el aýmaǵynda tolyq baqylaý ornatýdyń múmkin emestigin moıyndap otyr.
Prezıdentke qastandyq jasaldy
Keshe Abhazııa prezıdenti Aleksandr Ankvabqa qastandyq jasaldy.
Aqparat kózderinen málim bolǵanyndaı, respýblıkanyń Gýdaýt aýdanynda kele jatqan kortej jolynda birneshe fýgas jarylǵan. Jarylys saldarynan prezıdentti alyp kele jatqan avtomáshıneler kóbirek zardap shekken kórinedi. Eki kúzetshi jaraqat alǵan, al Ankvabtyń ózi aman, ol qazir Sýhýmıde óziniń jumys ornynda.
Zaýytta oryn alǵan apat
QHR-dyń metallýrgııa zaýytynda apat bolyp, 10 adam qaza tapty.
Oqıǵa burnaǵy kúni keshkilik Lıaonın provınsııasyndaǵy Angang Heavy Machinr Co., LTD aýyr máshıne jasaý kásipornynda oryn alǵan. Sońǵy málimetterge qaraǵanda 10 adam qaza taýyp, 17 adam túrli dene jaraqattaryn alǵan kórinedi. Taǵy 3 adamnyń taǵdyry ázirge belgisiz bolyp otyr. Apat bolǵan jerde izdeý-qutqarý jumystary jalǵasýda.
Suıyq planeta da bar eken
Astronomdar ózgelerge múlde uqsamaıtyn planetanyń ataýyn taýyp otyr.
Tas planetanyń ne ekeni astronomdarǵa ǵana emes, barshaǵa da málim. Biz Kúnnen keıingi dál sondaı úshinshi planetada ómir súrip jatyrmyz. Kún júıesinde Satýrn sııaqty gaz planetasy jáne Plýton sııaqty muzdy planeta da bar. Al ǵalymdar qaınap turǵan sý áleminiń bar ekenin de anyqtap otyr. Olardyń bireýiniń ataýy GJ 1214b dep atalady. Amerıkalyq ǵalymdar bul planetany NASA-nyń ǵaryshtyq teleskopynyń kómegimen anyqtaǵan kórinedi.
Iran jaýap qaıtarýǵa daıyn
Tegeran óz jaýlaryna qarsy is-qımyldar jasaý múmkindigin joqqa shyǵarmaıdy.
Brıtandyq jáne fransýz kompanııalaryna munaı jetkizip berýdi toqtatý Tegerannyń batysqa qarsy kúrestegi jalǵyz ǵana eskertý sharasy bolmaýy múmkin. Islam Iran Respýblıkasy qarýly kúshteri qolbasshysynyń orynbasary Mohammed Hedjazı eger ulttyq qaýipsizdikke qater tóner bolsa, Irannyń óz jaýlaryna qarsy eskertý is-áreketterine bara alatynyn málimdegen. Eger jaýlarymyz Irannyń ulttyq múddesine qater tóndirdi dep eseptesek, biz olardyń áreketin kútpeı-aq is-qımyldarǵa kóshemiz dep túsindirgen ol Tegerannyń ustanymyn.
Internet materıaldary negizinde ázirlendi.