S.Toraıǵyrov atyndaǵy memlekettik ýnıversıtette «Qyz Jibek» klýbynyń ár fakýltette oqıtyn belsendi stýdent qyzdary 8- Naýryz áıelder kúnine arnalǵan merekelik sharaǵa jınaldy.
Oqý ornyndaǵy «Qyz Jibek» klýby 2013 jyly quryldy.
Klýbtyń maqsaty-qazirgi qoǵamda bilimdiligimen, ulttyq salt-dástúrge saı ósken «Qyz Jibekti» qalyptastyrý, klýb arqyly stýdent qyzdardyń syrlasatyn, oı bólisetin, keńester alatyn ortasyn qurý.
Ýnıversıtette bilim alyp jatqan qyzdar arasynda ulttyq dástúrdi dáripteıtin is-sharalar, baıqaýlar jáne qolóner kórmesin uıymdastyrý.
Sonymen birge, múmkindigi shekteýli, múgedek, jetim qyzdarǵa psıhologııalyq jáne materıaldyq kómek kórsetý bolyp tabylady.
Merekege arnalǵan sharada «Qyz Jibek» klýby qyzdarymyzǵa salt-dástúr, til, din, ulttyq kıim, as-máziri jaıly qundylyqtarǵa arnalǵan tanymdyq sabaqtar arnady.
Klýbtyń úılestirýshisi Aınur Azımhanqyzynyń aıtýynsha, buǵan deıin «Bilim +» jobasy boıynsha klýbta dástúrli dinimizdiń nasıhattalýy, qyzdarymyzdyń hıdjab kııý máselesi jaıly semınarlar, dóńgelek ústelder ótkizildi.
Klýb músheleri tastandy balalarǵa baryp, qarttar úıindegi jalǵyz basty qarııalarǵa qamqorlyq tanytypty.
Kezdesý barysynda klýb músheleri óleńderin oqyp, án shyrqady, «Qorjyn bilim» baıqaýynda salt-dástúrler men ádet-ǵuryptar týraly qanshalyqty biletinderimen ózara jarysqa tústi.
Mereke aldynda qyzdar túrli ulttyq kıimder kıip, áıelderdiń jasy men mártebesine baılanysty kıimniń qalaı ózgergenin kórsetti.
Farıda BYQAI,
«Egemen Qazaqstan»
PAVLODAR
Sýretti túsirgen Rýfına Torpısheva