Juma, 20 sáýir 2012 7:33
Reseı men Belorýssııa áýe qorǵanysy júıesin qurýǵa ýaǵdalasty. Buleki el qorǵanys mınıstrleriniń kezdesýinen keıin belgili boldy.Belarýstyq vedomstvo basshysy áriptesine Polsha tarapynan áskerıqaýiptiń bar ekendigin alǵa tartqan kórinedi.
Juma, 20 sáýir 2012 7:33
Reseı men Belorýssııa áýe qorǵanysy júıesin qurýǵa ýaǵdalasty. Buleki el qorǵanys mınıstrleriniń kezdesýinen keıin belgili boldy.Belarýstyq vedomstvo basshysy áriptesine Polsha tarapynan áskerıqaýiptiń bar ekendigin alǵa tartqan kórinedi.
Negizinen sarapshylar Belarýs-Polsha túsinispeýshiligin Máskeýden áskerı salada jeńildik alý úshin qoldanyp keledi degendi alǵa tartady. Áıtse de Reseı odaqtas eldi áýe qorǵanysy júıesimen qamtamasyz etýge beıildi ekendigin tanytty. Endi Belorýssııa ústimizdegi jyly jeńildetilgen baǵamen «Tor-M2» zenıtti-zymyrandy keshenmen jabdyqtalatyn bolady.
Keshirim suraýdy talap etti
Soltústik Koreıa respýblıkasynyń negizin qalaýshy Kım Ir Senniń 100jyldyǵyn atap ótýge orasan shyǵyn shyǵarady degen málimet taratyp, «jala japqany jáne qaralaǵany» úshin Ońtústik Koreıadan keshirimsuraýdy talap etti. Eger bul oryndalmaǵan jaǵdaıda Seýldi jarypjibermek nıette ekendikterin de eskertken.
О́tken aptada Ońtústik Koreıa prezıdenti Lı Men Bak óz sózinde Phenıan zymyran ushyrýǵa shamamen 850 mıllıon dollar jumsaǵanyn, bul qarjyǵa qazir KHDR tapshylyq kórip otyrǵan azyq-túlik jetispeýshiligi jaǵdaıynda alty jylǵa jeterlik 2,5 mıllıon tonna bıdaı alýǵa bolatyndyǵyn málimdegen-di. Sondaı-aq nasıhat jumystaryna jumsalǵan 350 mıllıon dollarǵa Soltústik Koreıanyń 24 mıllıon turǵynyn 100 kún tamaǵyna shyǵyndaýǵa bolar edi delinipti Seýl tarapynan.
Prezıdent eldi qaıta biriktirmek
Sýdan prezıdenti Omar Bashır Ońtústik Sýdanǵa soǵys jarııalap, onyńastanasy Djýbede otyrǵan bıligin jándiktershe myjyp, taqtanketiretindigin málimdedi. Mundaı málimdemeni ol eki el shekarasyndaǵyáskerı qaqtyǵys kezinde jasaǵan.
Hartýda ótken partııalastarymen bolǵan jıynda ol «Sýdandy azat etý halyqtyq qozǵalysynyń» bıliginen Sýdan halqyn qutqarýymyz kerek degen. Osylaı ol tarıhı qatelikti túzeıtinin bildirgen. Osy rette Ońtústik Sýdan Hartý bıligimen uzaq jyldarǵa sozylǵan áskerı qaqtyǵystardan keıin óz táýelsizdigin ótken jyldyń shildesinde alǵandyǵyn aıta ketý kerek.
Zymyran synaqtan ótti
Úndistan alǵash ret Eýropa men Qytaı aýmaǵyn qamtı alatyn «Agnı-5»ballıstıkalyq zymyranyn synaqtan ótkizdi. Atalǵan zymyran Orıssashtatynyń shyǵys jaǵalaýyndaǵy Ýıler araly polıgonynanushyrylǵan kórinedi.
Jergilikti aqparat quraldarynyń habarlaýynsha, «Agnı-5» úsh satyly qatty otynmen janatyn zymyran sanalady. Onyń uzyndyǵy 17 metr bolsa, salmaǵy 50 tonnadaı eken. Qurlyqaralyq qashyqtyq sanalatyn 5 myń shaqyrymdy erkin alatyn zymyrannyń oqtumsyǵy ıadrolyq jáne ózge de joıǵysh qarýlarmen jaraqtandyryla alatyn sııaqty. Ázirge mundaı qarý Reseı, AQSh, QHR, Ulybrıtanııa men Fransııada bar.
Áskerıler áreketi – soraqylyq
The Los Angeles Times basylymy óz bombalaryna jarylyp ólgen aýǵandyq jankeshtilerdiń shashylyp qalǵan dene músheleriniń bederinde sýretke túsken AQSh áskerıleriniń fotosyn jarııalady. Aq úı basylymnyń materıaldy jarııa etkenine ókinish bildirip otyr.
Bul jaǵdaı osydan eki jyl buryn oryn alǵan bolatyn. AQSh prezıdenti Barak Obama oqıǵanyń anyq-qanyǵyn tekserýge jáne kinálilerdi jaýapqa tartýǵa tapsyrma da bergen. Tipti, Pentagon basshysy Leon Panetta Brıýsselde bolǵan kezdesýde muny soǵysqa telip, jas jigitterdiń qylyǵy úshin AQSh qorǵanys mınıstrligi atynan aýǵandyqtardan keshirim surady.
Kúdikti keme tekserilýde
Túrik ókimeti sırııalyq áskerıler úshin qarý-jaraq tasymaldap júr degen kúdikpen Iskenderon qalasynyń porty mańynda ustalǵan AtlanticCruiser atty nemistiń júk tasıtyn kemesin tekserýge kiristi.
Budan buryn Túrik bıligi atalǵan keme Iran qarý-jaraǵyn Sırııa prezıdenti Bashar Asadqa jetkizýde degen aqparat alǵan kórinedi. Keme ıesi bolyp tabylatyn kompanııa júktiń Sırııadaǵy elektr stansasy úshin qajetti qural-jabyqtardy Úndistannan tasymaldap kele jatqandyqtaryn alǵa tartypty. Qazir bul isti tekserýge Germanııa da kirisip otyr.
Japonııa týraly boljam
2050 jyly Japonııa baı ári damyǵan elder qatarynan túsip qalady. Mundaı málimetti Century Public Policy saraptamalyq uıymy taratyp otyr. Olar bala týýdyń kemip, jumys kúshiniń azaıý múmkindigi tendensııasynyń saqtalýyna baılanysty osyndaı uıǵarym jasaǵan.
Onyń ústine Japonııada jınaq normasynyń kemýi men ınvestısııa kóleminiń qysqarý faktory da baıqalýda ekendigi basty nazarǵa alynypty. 2014 jyly álemniń iri ekonomıkaly elderi tizimindegi úshinshi oryndaǵy Japonııany Úndistan yǵystyryp shyǵarady degen boljam bar. Osylaısha Kúnshyǵys eli álemdik iri ekonomıkasy bar elderdiń ondyǵynan shyǵyp qalady dep kútilýde.
Internet materıaldary negizinde ázirlendi.