Senbi, 21 sáýir 2012 7:44
Jumaǵa qaraǵan túnde Kabýlde AQSh-tyń «Blek Navl» atty áskerı tikushaǵy apatqa ushyrady. Mundaı tikushaqtyń ekıpajy tórt adamnan turatyn. Ázirge sonyń qanshasy qaza bolǵany anyqtalǵan joq.
Amerıka áskerleriniń arnaýly ókili tikushaqqa shabýyl jasalýy múmkin degen boljamdy joqqa shyǵarmaıtynyn málimdedi. Biraq apat aýa raıynyń qolaısyzdyǵynan bolǵan shyǵar degen kúdik ázirge basymdaý tur. Al brıtan áskerıleri tikushaqta aǵylshyn azamaty joq ekenin jarııalap, halqyna «qýanyshty» habaryn jetkizip úlgerdi.
Senbi, 21 sáýir 2012 7:44
Jumaǵa qaraǵan túnde Kabýlde AQSh-tyń «Blek Navl» atty áskerı tikushaǵy apatqa ushyrady. Mundaı tikushaqtyń ekıpajy tórt adamnan turatyn. Ázirge sonyń qanshasy qaza bolǵany anyqtalǵan joq.
Amerıka áskerleriniń arnaýly ókili tikushaqqa shabýyl jasalýy múmkin degen boljamdy joqqa shyǵarmaıtynyn málimdedi. Biraq apat aýa raıynyń qolaısyzdyǵynan bolǵan shyǵar degen kúdik ázirge basymdaý tur. Al brıtan áskerıleri tikushaqta aǵylshyn azamaty joq ekenin jarııalap, halqyna «qýanyshty» habaryn jetkizip úlgerdi.
Jankeshtiler chegemde de órip júr
Qap taýy respýblıkalaryndaǵy jankeshtiler áreketi basylar emes. Keshe Kabarda-Balqar respýblıkasyndaǵy Chegem qalasynda sońynan ańdyp, aqyry ustaýǵa umtylǵan kezinde bir jankeshti ózin ózi jaryp jiberdi.
Bul – «Chegemnen shyqqan Sandro» degen Fazıl Iskandırdiń romany arqyly aty álemge tanylǵan qala. Qazir munda da tynyshtyq ketken, jarylyp ólgenniń janynda bolǵan ekinshi jankeshti jasyrynyp úlgeripti. Ustaýshylardyń arasynda sheıit bolǵandar joq delinip habarlanǵanymen, aýyr jaraqat alǵandardyń qansha ekeni jasyrylyp qalǵan.
Avıakompanııanyń aıtqanyna kónbeıdi
Ispanııanyń eldegi asa iri avıakompanııalarynyń biri – «Iverııa» halyqaralyq jáne elishilik 122 avıareıstiń ushpaıtyndyǵyn jarııalady. Naqtyraq aıtsaq, barlyq reısterdiń 58-i elishilik, qalǵanynyń bári halyqaralyq. Bul – myńdaǵan jolaýshyny álekke salǵan aýyr oqıǵa bolyp otyr.
Barlyq túıin búkilálemdik daǵdarysqa tirelip tur. «Iverııa» avıakompanııasy ushqyshtar eńbekaqysynyń 20 paıyzyn qysqartatynyn jarııalaǵan eken. Buǵan ushqyshtar kásipodaǵy óre túregelip qarsylyq bildirip, osymen 17-shi márte ereýilge shyqty. Avıakompanııa eńbekaqyny qysqartý arqyly aqsha únemdeıtin bolsaq, daǵdarysqa tótep bere alamyz, deıdi. Biraq oǵan kásipodaq kónetin emes.
Munaıdyń fıýcherlik baǵasy artty
Nıý-Iorktiń qor bırjasy amerıkalyq jeńil munaıdyń mamyr aıyna sáıkes keletin fıýcherlik baǵasyn anyqtady. Ol qazirgi baǵadan 0,33 dollarǵa artyp, bir barrelge 102,6 dollardan aınalatyny belgili boldy.
Bálendeı aıyrmashylyq bolmasa da fıýcherlik baǵanyń óse túskeni deldaldardy qınaltýda. Al London bırjasynda munaıdyń fıýcherlik baǵasy 0,49 dollarǵa tómendep, bir barreline 117,4 dollardan aınalatyn boldy.
Qaıyry joq kóp aqsha qaıda qalmaq?
Keshe túnde Máskeý qalasynda «Konsýltasııa-strahovanııa» kompanııasynyń bas dırektory Shámilhan Besaevty belgisiz bireýler Begovaıa kóshesindegi óz úıiniń aldynda atyp ketti.
52 jastaǵy bıznesmenniń denesine oq úsh jerden tıgen. Boljam boıynsha, ol tapsyrys boıynsha óltirilgen. О́ıtkeni, qaltasyndaǵy ámııany men qymbat saǵaty jáne qaltafony ornynda qalǵan. Biletinder Besaevtyń asa zor tabysker azamat bolǵanyn, sondyqtan onyń básekelesteri de kóp bolǵanyn aıtyp, ólimge solardyń biri kináli bolýy yqtımal degen boljam jasaýda.
«Mır» TRK – Grýzııaǵa qajetsiz arna
Grýzııa prezıdenti Mıhaıl Saakashvılı «Mır» teleradıokompanııasynyń bir quryltaıshysy retinde Grýzııanyń 1994 jylǵy 24 jeltoqsanda qol qoıylǵan kelisiminiń kúshi joıyldy degen jarlyq shyǵardy.
Ázirge prezıdenttiń bul jarlyǵyna resmı adamdar eshqandaı túsinik bergen joq. Biraq bar másele Grýzııanyń Máskeýmen eki aradaǵy kıkiljińinde ekeni sózsiz. Máskeýdiń yqpalynda otyrǵan bul arna Grýzııa týraly shynshyl habarlar kórsetýdi shektep júrgeni týraly sybystar buǵan deıin de aıtylyp kelgen bolatyn.
Qysqa qaıyryp aıtqanda:
• Máskeýdiń Domodedovo áýejaıynda byltyr bolǵan terrorlyq aktige baılanysty kólik mılısııasy men avıakompanııa basshylyǵyna qatysty qylmystyq is «avıa tasymaldaǵy qaýipsizdik sharalarynyń júıesi» atty tártip qabyldanbaı turǵanda bolǵan oqıǵa sebepti qysqartylǵan.
• Sırııadaǵy 13 aıǵa sozylǵan saıası daǵdarys Túrkııanyń týrızm ındýstrııasyna da óziniń zalalyn tıgizip otyr. 2012 jyldyń eki aıynda byltyrǵy jylmen salystyrǵanda týrıster 1,98 mln. adamǵa azaıyp ketken.
• Sýdannyń ult-azattyq qozǵalysyna qatysýshylar 20 sáýirde ózderiniń tabysty operasııa júrgizgenin maqtanyshpen jarııa etti. Olardyń aıtýyna qaraǵanda, shabýyl barysynda ókimettiń 79 ofıseri men soldaty joıylǵan kórinedi.
• Reseıdiń Sahalın araly men Japonııanyń Hokkaıdo aralyn bólip turǵan Laperýza shyǵanaǵynda Japonııanyń «Sııýmarý-18» atty balyqshy kemesi apatqa ushyrady. Japonnyń jaǵalaý qutqarý qyzmeti ekıpajdyń eki-aq múshesin qutqaryp úlgergen. Apat kemedegi órtten bolǵan degen boljam bar.
• Tájikstan prezıdenti Emomalı Rahmon mılısııany polısııa dep ataý týraly zań ázirleýge tapsyrma berdi. Ol bul qadamǵa mılısııa qyzmetkerleri qataryndaǵy sybaılas jemqorlyqtyń óristep bara jatqanyn tyıý maqsatynda barǵanyn málimdedi. «Mılısııa» sózi endi Ýkraına, О́zbekstan, Qyrǵyzstan jáne Belorýssııada ǵana qaldy.
Internet materıaldary negizinde ázirlendi.