Sársenbi, 16 mamyr 2012 8:04
Qamaýǵa alynǵan Mońǵolııanyń burynǵy prezıdenti Nambaryn Enhbaıardy kepil retinde tutqynnan bosatty. Ol osy jyldyń 13 sáýirinde jemqorlyqqa salynǵan degen kúdikpen qamaýǵa alynǵan edi.
Aqparat kózderine qaraǵanda, Mońǵolııa bıligi eks-prezıdentke ol prezıdent bolǵan kezde memlekettik aktıvterdi zańsyz paıdalandy dep aıyptaıdy. Al onyń jaqtastary N.Enhbaıarǵa taǵylǵan aıyp negizsiz, qamaýǵa alynýyna astarynda shildede ótetin parlament saılaýy sebep bolyp otyr deıdi. Saılaýǵa eks-prezıdent jetekshilik etetin Mońǵolııa halyq tóńkerisi partııasy da qatysýǵa nıet bildirgen kórinedi.
Sársenbi, 16 mamyr 2012 8:04
Qamaýǵa alynǵan Mońǵolııanyń burynǵy prezıdenti Nambaryn Enhbaıardy kepil retinde tutqynnan bosatty. Ol osy jyldyń 13 sáýirinde jemqorlyqqa salynǵan degen kúdikpen qamaýǵa alynǵan edi.
Aqparat kózderine qaraǵanda, Mońǵolııa bıligi eks-prezıdentke ol prezıdent bolǵan kezde memlekettik aktıvterdi zańsyz paıdalandy dep aıyptaıdy. Al onyń jaqtastary N.Enhbaıarǵa taǵylǵan aıyp negizsiz, qamaýǵa alynýyna astarynda shildede ótetin parlament saılaýy sebep bolyp otyr deıdi. Saılaýǵa eks-prezıdent jetekshilik etetin Mońǵolııa halyq tóńkerisi partııasy da qatysýǵa nıet bildirgen kórinedi.
Saılanǵan prezıdent ant berdi
Keshe Elıseı saraıynyń alańynda Fransııanyń saılanǵan prezıdenti Fransýa Olland fransýz halqyna ant berdi. Saılaýda ol Nıkolıa Sarkozımen prezıdenttik básekege túsken bolatyn.
«Frans-press» agenttiginiń habarlaýynsha, ulyqtaý saltanatyna eks-prezıdent Nıkolıa Sarkozı de qatysqan jáne ol bılikti saılanǵan prezıdentke tapsyrǵan. Fransýa Olland sońǵy 17 jylda sosıalısterden saılanǵan alǵashqy prezıdent bolyp otyr. Saıasattanýshylardyń pikirinshe, F.Ollandtyń prezıdenttik saılaýda jeńiske jetýi, onyń jeke basynyń tanymaldyǵynda emes, burynǵy prezıdent N.Sarkozıdiń birqatar ekonomıkalyq qatelikter jiberýinde jatyr.
80 paıyzǵa jańartylýy múmkin
Reseı premer-mınıstri Dmıtrıı Medvedev prezıdent Vladımır Pýtınge úkimettiń qurylymy jáne úkimettiń jańa quramy jóninde usynyspen shyqty.
«Interfaks» agenttiginiń aqparattary boıynsha, premer-mınıstr úkimet músheligine kandıdattardyń barlyǵymen kezdesý ótkizgen. Sondaı-aq ol parlamenttik fraksııamen bolǵan kezdesýde mınıstrler kabıneti 80 paıyzǵa jańartylatynyn málimdegen edi. Sońǵy aptalarda Reseı úkimetiniń quramyna birqatar jańa tulǵalardyń kelýi sony ańǵartady.
Eks-mınıstrdiń óli denesi tabyldy
О́zbekstan astanasy – Tashkentte eldiń burynǵy mádenıet jáne sport mınıstri Anvar Jabbarovtyń óli denesi tabylǵan. Bul týraly jergilikti «Radıo Svoboda» habarlady.
Atalǵan radıostansanyń málimetteri boıynsha, pyshaq jaraqattary bar Jabbarovtyń denesi kóp qabatty úıdiń jertólesinen tabylǵan. Keıbir aqparattarǵa qaraǵanda, marqumnyń máıiti qaladaǵy fırmalardyń biriniń ofısinde jatqan. Al Jabbarov 8 mamyrda iz-túzsiz joǵalǵan kórinedi. Onyń ólimi Jabbarovtyń Qashqardarııa oblysyndaǵy jerlesterinen keldi degen boljamdar aıtylýda.
AQSh tarapynyń qysymymen
Úndistan 2012-2013 qarjy jyldary Irannan munaı satyp alýdy 11 paıyzǵa qysqartady. Muny Úndistan munaı mınıstriniń orynbasary Djarmendr Pradhan habarlady.
Resmı Nıý-Delı osyndaı sheshimge AQSh tarapynyń qysymymen kelip otyrǵan sııaqty. О́ıtkeni, ótken aptada AQSh-tyń memlekettik hatshysy Hılları Klınton Úndistanǵa baryp qaıtqan edi. Bul el 2011-2012 jyldary Irannan 10,9 mıllıard dollardy quraıtyn 17,44 mıllıon tonna munaı satyp alypty. Endi onyń kólemi edáýir qysqaratyn boldy.
Bılik kek almaqqa ýáde berdi
Meksıka ókimeti deneleri Nýevo-Leon shtatynda tabylǵan 49 adamnyń óltirilýin qatań aıyptap otyr.
Memleket qaýipsizdiktiń ulttyq strategııasyn iske qosa otyryp, qylmystyq toptardyń qatigez is-áreketterine jaýap beredi, dep málimdegen eldiń bas prokýratýrasy. Málimdemede qylmyskerlerdiń jazalaýsyz qalmaıtyndyǵy da atap kórsetilgen. Ázirge qaza bolǵandardyń kim ekendigi anyqtalǵan joq. О́kimet oryn alǵan qaıǵyly oqıǵany narkokartelder arasyndaǵy kúrespen baılanystyryp otyr. Sóz retinde bólshektenip tastalǵan dene músheleriniń AQSh-pen shekaraǵa jaqyn jerdegi kúrejol boıynda tabylǵanyn da aıta ketý kerek. Qazir avtojol jabylyp, tergeý jumystary júrýde.
Internet materıaldary negizinde ázirlendi.