Beısenbi, 19 shilde 2012 7:22
Shar Aına
AQSh memlekettik hatshysy Hılarrı Klınton álemdik qoǵamdastyqty Sırııa máselesinde Reseıge qysym kórsetýge shaqyrdy. Memhatshynyń túsindirýinshe, bul jerde áńgime Máskeýdiń Batys elderi BUU Qaýipsizdik Keńesine ilgeriletken qarar jobasyna qoldaý kórsetýi qajettigi týrasynda bolyp otyr.
Beısenbi, 19 shilde 2012 7:22
Shar Aına
AQSh memlekettik hatshysy Hılarrı Klınton álemdik qoǵamdastyqty Sırııa máselesinde Reseıge qysym kórsetýge shaqyrdy. Memhatshynyń túsindirýinshe, bul jerde áńgime Máskeýdiń Batys elderi BUU Qaýipsizdik Keńesine ilgeriletken qarar jobasyna qoldaý kórsetýi qajettigi týrasynda bolyp otyr.
Klıntonnyń sózine qaraǵanda, qujat BUU Jarǵysynyń jetinshi bólimine sáıkes, Sırııa prezıdenti Bashar Asadqa, sondaı-aq onyń rejimine járdem qolyn sozyp otyrǵan adamdarǵa qarsy «óte qatal» sanksııa qoldanýdy qarastyrady. Atalǵan qarar jobasyn Fransııa, Germanııa jáne AQSh qoldasa, Reseı qarsylyq bildirgen bolatyn. Qytaı da kóńili tolmaıtynyn baıqatqan edi.
Naqty qorytyndysy shyǵaryldy
Lıvııada parlamenttik saılaýdyń naqty qorytyndysy jarııa etildi. Onda basym daýysty burynǵy ótpeli ulttyq keńestiń premer-mınıstri bolǵan Mahmýd Djıbrıldiń Lıberaldy alıansy aldy. Endi onyń ókilderi parlamentte partııa úshin bólingen 80 orynnyń 39-yn ıelenetin bolady.
Islamısterdiń «Musylman-baýyrlar» partııasy 17-orynǵa qol jetkizdi. Lıvııa parlamentinde 120 oryn endi táýelsiz kandıdattar arasynda bóliske túsetin bolady. Barlyǵy saılaýǵa 100-den astam partııa ókilderi qatysty. Olardyń kópshiligi daýys bererdiń aldynda, ıaǵnı saılaýdyń sońǵy aılarynda ǵana qurylǵan edi.
Shekarashylar arasyndaǵy atys
Qyrǵyzstan men О́zbekstan shekarashylary arasynda atys boldy. Bul týraly «Ferǵana» habarlady. Aldyn ala derek boıynsha, atys saldarynan bir adam qaza taýyp, birnesheýi jaraqattanǵan. Oqqa ushqan qyrǵyz shekarashysy sekildi.
Kıkiljiń Kóktash – Bulaqbashı avtojolynyń jóndeý júrgizilip jatqan ýchaskesinde oryn alǵan. О́zbek jaǵynyń aıtýynsha, atalǵan ýchaskede jóndeý jumystaryn júrgizýge bolmaıdy, óıtkeni jol shekaranyń kelisilmegen ýchaskesi arqyly ótedi. Oq atý ýchaskege ózbek shekarashylary kelip, jumysty toqtatýdy talap etkennen keıin bastalǵan. Alǵash qarý qoldanǵan da ózbekter kórinedi.
NATO-nyń 22 júk kóligi joıyldy
«Talıban» qozǵalysynyń jasaqtary 18 shildege qaraǵan túni NATO áskerleri úshin oq-dáriler men otyn tıelgen 22 júk kóligin joıyp jiberdi. Bir atap kórseterligi, talıbter oılaryn bar-joǵy bir-aq bomba qoldanyp júzege asyrǵan.
Oqıǵa oryn alǵan Samangan provınsııasynyń basshylyǵy atap kórsetkenindeı, júk kólikteri men benzın quıylǵan máshıneler tań atýyn kútpek bolady. Sóıtip, avtoturaqqa bir mezgilde ondaǵan máshıne jınalyp qalady. Júrgizýshilerdiń uıqyǵa ketkenin jáne kúzettiń álsizdigin paıdalanǵan talıbter benzın quıylǵan kóliktiń birine magnıtti mına japsyryp qoıyp, sodan keıin ony iske qosady.
Kım Chen Yn marshal atandy
Soltústik Koreıa kósemi Kım Chen Ynǵa el armııasynyń marshaly ataǵy berildi. Bul týraly keshe soltústikkoreıalyq BAQ-tarǵa silteme jasaǵan «Reıter» agenttigi habarlady. Agenttik Kım Chen Ynnyń osylaısha KHDR áskeri men elge tutastaı baqylaý ornatýǵa qol jetkizgenin atap kórsetedi.
Qazirgi kezde Kım Chın Yn Koreıa eńbek partııasynyń birinshi hatshysy, KHDR qorǵanys komıtetiniń birinshi tóraǵasy, Koreıa halyq armııasynyń bas qolbasshysy, partııa ortalyq áskerı komıssııasynyń tóraǵasy bolyp tabylady. Ol osynyń bárine ákesi Kım Chen Ir kóz jumǵannan keıin, ıaǵnı 2011 jyldyń jeltoqsanynda qol jetkizdi.
Ozerovtyń uly paramen ustaldy
Máskeý túbinde 6 mıllıon rýbl para aldy degen kúdikpen Shelkovskıı aýdanynyń ákimshilik ortalyǵy – Zagorıanskıı qalasy ákimshiliginiń basshysy Nıkolaı Ozerov qamaýǵa alyndy. Ol belgili keńestik tennısshi jáne sport kommentatory Nıkolaı Ozerovtyń úlken uly bolyp tabylady.
Ozerovpen birge Shelkovo qalasynyń taǵy bir turǵyny tutqyndalǵan. Oǵan deldaldyq jasady degen aıyp taǵylmaq. Tergeý nusqasy boıynsha, Ozerov «Losınyı ostrov» saıajaılyq kommersııalyq emes áriptestik dırektorynan ylǵı aqsha talap etken. Esesine ol atalǵan saıajaı kentine gaz júrgizýge jáne elektrlendirýge ruqsat etýge ýáde bergen.
Qysqa qaıyryp aıtqanda:
Ońtústikkoreıalyqtar Tájikstan prezıdenti Emomalı Rahmondy taekvondo boıynsha qara belbeýmen nagradtady. Osylaısha Rahmonnyń atalǵan sport túrin Tájikstanda damytqany úshin eńbegi atap ótildi.
Bakýde Koba Grýzınskıı degen laqap aty bar krımınaldy avtorıtet Koba Kvahadze tutqyndalǵan. Oǵan páter tonady degen aıyp taǵylyp otyr. Sonymen qatar, tintý kezinde Kvahadzeden geroın tabylǵan. Oǵan qatysty birneshe qylmystyq is qozǵalypty.
Mysyrdyń temir jolynda poıyz apaty oryn aldy. Ony ekinshi bir poıyzdyń jolaýshylary jasaǵany anyqtaldy. Jolaýshylar ózderi mingen poıyzdyń toqtatylyp, júrdek poıyzdyń ótip ketýine jol ashylǵanyna narazylyq bildiripti.
Izraıldiń parlamentinde asa kóp mandatqa ıe «Kadıma» partııasynyń músheleri keshe premer-mınıstr Bınıamın Netanıahýdyń bıleýshi koalısııasynan shyǵatyndaryn málimdedi. Bul jáıt áskerı qyzmet týraly jańa zań boıynsha kelissózderdiń nátıje bermeýine baılanysty oryn aldy.
Internet materıaldary negizinde ázirlendi.