Qostanaı oblysynyń ákimi Arhımed Muhambetov oblys ortalyǵyna irgeles ári attas aýdannyń aktıvine jańa ákim Vıktor Radchenkony tanystyrdy.
Vıktor Radchenko 1967 jyly týǵan. M.Dýlatov atyndaǵy Qostanaı ınjenerlik-ekonomıkalyq ýnıversıtetin jáne Qazaq tutynýshylar odaǵynyń Qaraǵandy ekonomıkalyq ýnıversıtetin bitirgen. Eńbek jolyn 1991 jyly «Torǵaıavıa» AQ-da avıamehanık bolyp bastaǵan. 2001-2007 jyldar aralyǵynda Arqalyq qalasyndaǵy jylý-energetıkalyq ortalyǵyn basqardy. 2007-2009 jyldary Arqalyq qalasy ákiminiń orynbasary qyzmetin atqardy. 2009-2013 jyldary Lısakov qalasyn basqardy. 2013-2014 jyldary Qostanaı qalasy ákiminiń orynbasary, 2014-2015 jyldary «Kókshetaý jylý» ShJQ memlekettik-kommýnaldyq mekemesiniń bas dırektory, al 2015 jyly Aqmola oblystyq energetıka-turǵyn úı-kommýnaldyq basqarmasynyń basshysy qyzmetterin atqardy. 2017 jyldan qazirgi taǵaıyndaýǵa deıin Aqmola oblysyndaǵy Ereımentaý aýdanynyń ákimi boldy.
Qostanaı aýdanynyń burynǵy ákimi Qaırat Ahmetov osydan burynyraq Qostanaı qalasynyń ákimi bolyp taǵaıyndalǵan bbolatyn.
Názıra JÁRIMBET,
«Egemen Qazaqstan»
Qostanaı