Ulystyń uly kúni –Naýryz merekesi Ulttyq kitaphanada toılandy. Qazaq dalasyna kóktemdeı nurly, kún dıdarly shýaqty kúndermen qatar keletin Naýryz meıramy – ǵasyrdan-ǵasyrǵa jalǵasyp, erekshe reńkte toılanyp kele jatqan túrki halyqtarynyń tól merekesi. «Naýryz – kóktem meıramy, tabıǵattyń jańarýy, jańa jyldyń, jańa ómirdiń bastalýy. Ulystyń uly kúni qazaq halqy úshin árqashan qasıetti, kıeli sanalǵan.
Naýryz meıramynda qazaq halqy bir-birlerine degen ókpe-renishti umytyp, meıirimdiliktiń ozyq úlgisin tanytqan» dep kórkem únmen ulys merekesin qarsy alǵan Ulttyq kitaphana qyzmetkerleri Naýryz meıramynyń Qazaqstan halqy úshin rýhanı-mádenı tárbıelik mánin arttyryp, mańyzyn dáriptep, otbasylyq mereke retinde qalyptastyrýdy maqsat ete otyryp uıymdastyrǵan.
Bul kúni qazaqtyń ulttyq dástúrlerine, sonyń ishinde kórisý, qaıyrymdylyq jasaý, aq dastarhan kúni dep erekshe mazmun bere otyryp, baǵdarlama aıasynda qazaqtyń ulttyq taǵamdary ázirlenip, qatysýshylar úshin dám tartylady. Kitaphana ujymy ulttyq salt-dástúrlerdi jańǵyrtý úshin,qysqasha mazmundy kórinister qoıyp, qazaqtyń ulttyq aspaptarynda óner kórsetti.
Naýryz meıramyn jańa úlgide atap ótýdi quptaǵan ujym Naýryz merekesi aıasynda áleýmettik jaǵdaıy tómen jáne kóp balaly otbasylarǵa arnalǵan qaıyrymdylyq sharasyn ótkizdi. Balalarǵa naýryz belgilerin aıshyqtaıtyn bazarlyq-syı taratyldy.
Elvıra SERIKQYZY,
«Egemen Qazaqstan»
ALMATY