Kredıttik turǵyn úı baǵyty boıynsha bıyl ákimdikter 11 719 páterdiń (740 myń sharshy metr) qurylysyna (690,1 myń sh.m) 108,8 mlrd teńge tartýdy josparlap otyr. Bul týraly Indýstrııa jáne ınfraqurylymdyq damý mınıstri Úkimet otyrysynda málimdedi.
Roman Sklıardiń, 1-toqsannyń sońyna deıin 45,7 mlrd teńgemen qarjylandyrý qarastyrylǵan, onyń ishinde 30,7 mlrd teńge ákimdikter tartqan qarjy.
«Almaty qalasy, Atyraý, Aqtóbe, Shyǵys Qazaqstan, Qaraǵandy, Qyzylorda, Soltústik Qazaqstan, Mańǵystaý, Almaty oblystaryna ózderiniń oblıgasııalaryn shyǵarý prosedýralaryn jyldamdatý qajet.
Sonymen qatar, ákimdikterge bıyl 2017 jyly buryn shyǵarylǵan jalpy quny 65,9 mlrd teńge bolatyn oblıgasııalar boıynsha qaryzdaryn aldyn-ala jabýy qajet. Qostanaı, Shyǵys Qazaqstan, Pavlodar jáne Batys Qazaqstan oblystarynyń ákimdikteri ózderiniń 5,9 mlrd teńge oblıgasııalyq qaryzdaryn ótedi. Qalǵan óńirlerdi oblıgasııalar boıynsha qaryzdaryn óteý prosedýralarynjyldamdatýdy suraımyz» dedi mınıstr.
Anyqtama: 2019 jyly oblıgasııalaryn jabý qalǵan Astana (4,9 mlrd), Almaty (7,1 mlrd), Shymkent (5,1 mlrd) qalalary, Aqmola (0,4 mlrd), Aqtóbe (13,0 mlrd), Almaty (3,5 mlrd), Atyraý (1,3 mlrd), ShQO (0,9 mlrd), Jambyl (3,2 mlrd), Qaraǵandy (5,2 mlrd), Qostanaı (3,7 mlrd), Mańǵystaý (4,5 mlrd), Pavlodar (2,0 mlrd), SQO (1,6 mlrd).
Ákimdikter ózderiniń oblıgasııalaryn aldyn-ala ótep, 1 jumys kúni ishinde qaıta jańa oblıgasııalyq zaımdar ala alady.
Atalǵan sharalar qarjylyq resýrstardy barlyq óńirlerde der kezinde jetkizýdi jáne bıyl josparlanǵan qurylys kólemderine qol jetkizýdi qamtamasyz etedi.