3 rettik aınalym esebinen 25 jylda 56 myń kópbalaly otbasyǵa zaım beriletin bolady. Bul týraly Indýstrııa jáne ınfraqurylymdyq damý mınıstri Roman Sklıar Úkimet otyrysynda aıtty.
«Turǵyn úı qurylys jınaq banki arqyly kópbalaly otbasylar, múgedek balalary bar nemese múgedek bala tárbıelep otyrǵan otbasylar jáne tolyq emes otbasylarǵa 20 jylǵa deıin alǵashqy jarnasy 10% bolatyn jyldyq stavkasy 2% jeńildetilgen kredıtteý júıesin engizý usynylady» dedi R.Sklıar.
Onyń aıtýynsha, alǵashqy jarnaǵa turǵyn úı sertıfıkatyn paıdalanýǵa múmkindik bar.
«Atalǵan mehanızmdi 3 jyl ishinde iske asyrý úshin jyl saıyn 50 mlrd teńgeden 150 mlrd teńge qajet bolady. Jyl saıyn 6 myń zaım berý josparlanýda, sonymen qatar ákimdikter tarapynan 2 myń páter satyp alý qamtamasyz etiledi» dedi ol.
Mınıstrliktiń aqparatyna sáıkes, 3 rettik aınalym esebinen 25 jylda 56 myń kópbalaly otbasyǵa zaım beriletin bolady.