Jumystar bekitilgen kestege saı júrgizilip jatyr, dep habarlaıdy Astana qalasy ákimdiginiń resmı saıty.
Almaty aýdany
«Almaty» aýdany ákimdiginiń merdiger uıymdarymen 21 qańtarda kóktemgi kezeńde sý basý qaýpi joǵary aýmaqtardan qardy shaǵarý bastalǵan. Osy kúnde 105 myń tekshe metr qar shyǵaryldy. Al osy qysta aýdannan 1,055 mln tekshe metr qar shyǵaryldy. Búgingi tańda Ońtústik-Shyǵys shaǵyn aýdanynan (oń jáne sol jaǵy), Promyshlennyı, Dostyq turǵyn alabynan qar shyǵarý jumystary júrgizilip, Jeleznodorojnyı turǵyn alabynda atalǵan jumystar jalǵasýda. Erigen qar sýyn sorý jumystary jalǵasýda, atalǵan jumysqa 25 kólik jumyldyryldy.
Baıqońyr aýdany
Qazirgi kúni bekitilgen kestege saı Munaıshylar, Qurmanǵazy, Kóktomar, S. Seıfýllın, Sartóbek, Qostanaı, Kókshetaý, Syrdarııa, Álimjanov, Ashhabad, Aqbıdaı, Tashkent, T. Shonanuly, Maıtóbe, Aǵadyr, О́ndiris, Igilik, Úshqońyr, Kusjoly, Shardara, Matrosov, Kemeńgeruly, Sýrıkov, Saryadyr, Aqsý-Jabaǵyly, S. Áliuly, Bestaý, Kıelisaı, Mýsorgskıı, Aryq (qoımalar jaǵy) kóshelerindegi aryqtar tazartyldy. Jalpy uzyndyǵy 11 031 pogondy metrdi qurady. Jumystar jalǵasýda.
Esil aýdany
Sý tasqynyna qarsy komıssııa quryldy, erigen qar sýyn ótkizý jumystarynyń jospary bekitilip, qardy shyǵarý, aryq jelilerin tazartý jumystary bekitilgen kestege sáıkes júrgizilýde. Josparǵa sáıkes sý basý qaýpi bar aýmaqtardan (turǵyn úı alaptary, mektepter men balabaqshalar) qar, muz shyǵarylyp jatyr.
Aýdan aýmaǵynda 5 869 aǵyn sý qabyldaǵysh tor ornalasqan, 10 aqpannan bastap olardy tazalaý boıynsha jumystar júrgizilýde. Búgin 5 280-i tazartyldy. Atalǵan jumystardy 1 sáýirge deıin aıaqtaý josparlanyp otyr.
Saryarqa aýdany
Kóktemgi sý basýy joǵary bes aýmaq anyqtalǵan: Agroqalashyq, Kóktal-1, Kóktal-2 turǵyn úı alaptary, Maıkýtova, Myńaral, Jýnýsova (Panfılov), Pavlov kósheleri. Bekitilgen josparǵa saı 3 qańtardan bastap jeke sektordan qar shyǵarylýda. Qazirgi kúni 120 kóshe qardan tazartylǵan.
Kún saıyn adamdar kóp jınalatyn saıabaqtar, demalys oryndarynyń, avtovokzal, temirjol vokzaly aýmaqtarynyń jáne bilim ordalarynyń aýmaǵy qardan tazartylýda. PIK tóraǵalary úılerdiń shatyryndaǵy qardy tazalaý, ózderiniń menshikti aýmaqtaryndaǵy qardy shyǵarý boıynsha túsindirme jumystaryn júrgizgen.
16 qazan men 17 naýryz aralyǵynda 522 474 tekshe metr qar shyǵarylǵan. Onyń ishinde kóktemgi sý tasqynyna qarsy sharalar aıasynda shyǵarylǵan qar kólemi 136 635 tekshe metrdi quraıdy.
Aqmola oblysynyń 96 razezdi turǵyn alabyn sý basýdan qorǵaý maqsatynda 12 naýryzdan bastap aýdan ákimdigi N. Tilendıev dańǵylyndaǵy qar qoqysyn jáne Kýnchýgýn kóli aýdanyndaǵy qoldanystaǵy aryqty tazalaý júrgizildi. Jalpy uzyndyǵy 1 shaqyrym. Qazirgi kúni jumys aıaqtaldy.