Shaıbaly hokkeıden Gagarın kýbogy jolyndaǵy jarystyń úshinshi shırek fınaldyq saıysyn Ombyda jergilikti «Avangardqa» qarsy ótkizgen «Barys» oısyraı utyldy.
Bul kezdesýdiń birinshi kezeńde ǵana bizdiń jigitter biraz tiresti. Desek te 14 mınýtta Andreı Stas «Avangardty» alǵa shyǵardy. Úzilisten shyqqan bette Sergeı Shýmakov ekinshi shaıbany qaqpaǵa engizdi.
Sodan keıin-aq oıynnyń máni de, sáni de ketti. Qos komandanyń oıynshylary bir-birine judyryqtaryn ala júgirdi. Negizgi aıqas Pavel Akolzın men Mıhaıl Fısenko arasynda órbidi. Nátıjesinde alǵashqysy tórt mınýtqa, ekinshisi eki mınýtqa muz aıdynynan qýyldy. Qalǵan ýaqytta da ombylyqtardyń basymdyǵy aıqyn ańǵaryldy. Sergeı Shırokov (36 mınýt), Kırıll Semıonov (44 mınýt) jáne Kodı Franson (53 mınýt) bir-bir goldan soǵyp, esepte 5:0-ge jetkizdi.
Osylaısha, úsh kezdesýdiń qorytyndysy boıynsha «Avangard» 2:1 esebimen alǵa shyqty. Endi olar erteń qaıta kúsh synasady. Bul báseke de Ombyda ótedi.
Ǵalym SÚLEIMEN,
«Egemen Qazaqstan»