Shymkent qalasynyń sımvoly sanalatyn qyzǵaldaq gúl ashyp, úshinshi megapolıstiń ajaryn asha tústi. Jalpy, qaladaǵy kósheler men gúlzarlarda 1 mln 114 myń dana qyzǵaldaq egilgen. Olardyń basym kópshiligi gollandyq suryptaǵy sary, qyzyl, kók, qyzǵylt jáne kúlgin tústi qyzǵaldaqtar.
Qalany kóriktendirýshi mamandardyń aıtýynsha, gúlder sáýletshiler men sýretshilerdiń birlesip syzǵan eskızine saı egilgen. Qyzǵaldaq bir aıǵa jýyq ýaqyt boıy gúldep turady. Sodan keıin jazǵa qaraı olardyń ornyna basqada jazdyq gúlder egiledi.
Kóktem gúliniń basym bóligi qalanyń ortasyndaǵy Qyzǵaldaq sýburqaǵynyń aınalasynda jáne ortalyq kóshelerdiń boıynda shoǵyrlanǵan. Kóktem maýsymynda eń alǵash gúldep, qalaǵa erekshe kórik jáne sán beretin qyzǵaldaqtar gúldep bolǵannan keıin tuqymy qazyp alynyp, arnaıy qoımalarda saqtalady. Al kúz maýsymynda qaıta egiledi.