Búgin AQSh-tyń Maıamı qalasynda tennısten júlde qory 9 314 875 AQSh dollaryn quraǵan Masters týrnıri bastalady. Qazaqstannyń qos tennısshisi aıtýly dodada kúsh synasý qurmetine ıe boldy. Olar – Mıhaıl Kýkýshkın men Iýlııa Pýtınseva.
ATR tiziminde 43 orynda turǵan Mıhaıl Kýkýshkın alǵashqy aınalymda argentınalyq Gıdo Andreossımen kezdesedi. 27 jastaǵy Ońtústik Amerıkanyń oǵlany álemdik reıtıngte 80 orynda ıelenýde.
Úzdikter tiziminde 44 satyǵa jaıǵasqan Iýlııa Pýtınseva Krısten Flıpkenspen sheberlik baıqasady. 33 jastaǵy belgııalyq oıynshy WTA reıtınginde 56 oryndy enshileýde.
Maıamıdegi týrnırdiń irikteý synyna qatysqan Zarına Dıas alǵashqy aınalymnan asa almady. Al Aleksandr Býblık bastapqy kezeńdegi qarsylasyn qapy qaldyryp, búgin ótetin ekinshi oıynda ulybrıtanııalyq Denıel Evanspen saıysqa túsedi.
Daıyndaǵan Ǵalym SÚLEIMEN,
«Egemen Qazaqstan»