Áıgili France Football jýrnaly álemdegi eń úzdik 50 bapkerdiń tizimin jasady. Ataǵy alysqa jaıylǵan jattyqtyrýshylar kóshin gollandııalyq Rınýs Mıhels bastap tur.
Uzaq jyldar «Aıaks» pen «Barselona» jáne basqa da klýbtardy baptaǵan ol kóptegen tolaǵaı tabystarǵa qol jetkizdi. О́zi jetekshilik etken komandalardy únemi órge súırep, talaı dúbirli dodalarda daralandy. 1988 jylǵy Eýropa chempıonatynda Gollandııa fýtbolshylary fınalda KSRO quramasyn utyp, aıtýly jarystyń bas júldeni oljalaǵan kezde dál osy Rınýs Mıhels jeńimpazdar komandasyna jetekshilik etken edi.
Álemdegi eń bilikti bapkerlerdiń úzdik ondyǵyna Aleks Fergıýson, Arıgo Sakkı, Iohan Kroıf, Hosep Gvardıola, Valerıı Lobanovskıı, Elenıo Errera, Karlo Anchelottı, Ernst Happel jáne Bıll Shenklı syndy maıtalmandar endi.
Al 11-50 oryndar myna bapkerlerge buıyrǵan eken: Mett Basbı, Djovannı Trapattonı, Joze Moýrınıý, Mıgel Mýnos, Braıan Klo, Marchello Lıppı, Nerıo Rokko, Lýı van Gal, Ottmar Hıtsfeld, Bella Gýttman, Fabıo Kapello, Zınedın Zıdan, Vıktor Maslov, Herbert Chapman, Iýpp Haınkes, Bob Peıslı, Iýrgen Klopp, Albert Batte, Gýs Hıddınk, Ýdo Lattek, Dıego Sımeone, Arsen Venger, Vısente Del Boske, Djok Steın, Tele Santana, Vık Býkıngem, Hennes Veısveller, Bobbı Robson, Dıttmar Kramer, Mırcha Lýcheský, Tomıslav Ivıch, Stefan Kovach, Lýıs Aragones, Frank Raıkard, Otto Rehagel, Raımond Gotals, Marselo Belsa, Antonıo Konte jáne Jan-Klod Sadıý.
Ǵalym SÚLEIMEN,
«Egemen Qazaqstan»