AQSh-tyń tanymal The Ring jýrnalynyń R4R reıtınginde buǵan deıin úzdik bestiktiń qatarynda bolǵan qazaqstandyq kásipqoı boksshy Gennadıı Golovkın bir satyǵa tómendep, qazirgi kezde altynshy orynǵa turaqtady.
Bul tizimde Ýkraınanyń maqtanyshy Vasılıı Lomachenko kósh bastap tur. Ekinshi jáne úshinshi oryndarda – amerıkalyq Terens Kroýford pen meksıkalyq Saýl Alvares. Tórtinshi satyǵa taǵy bir ýkraınalyq boksshy Aleksandr Ýsık jaıǵasty. Kúni keshe ǵana Maıkı Garsııany utqan AQSh-tyń myqtysy Errol Spens besinshi orynǵa kóterildi. Bizdiń Gennadıı Golovkındi ornynan yǵystyrǵan dál osy óren.
Sondaı-aq, «TOP-10» boksshynyń qatarynda japonııalyq Naoıa Inoýe, taılandtyq Srısaket Sor Rýngvısaı, amerıkalyq Maıkı Garsııa jáne fılıppındik Donnı Netes syndy jýan judyryqty jigitter bar.
Ǵalym SÚLEIMEN,
«Egemen Qazaqstan»