Qyzylorda qalasyndaǵy hımııa-bıologııa baǵytyndaǵy Nazarbaev zııatkerlik mektebinde Naýryz meıramy qarsańynda «Ǵarysh. Ǵylym. Intellekt» taqyrybynda IX Naýryz kezdesýleri ótti.
Oǵan qazaq ǵaryshkerleri Toqtar Áýbákirov jáne Talǵat Musabaev, Aıdyn Álimbetov pen SpaceX jáne NASA ǵarysh uıymdarynyń ǵylymı qyzmetkerleri qatysty. Naýryz kezdesýine Qazaqstan boıynsha 200-ge jýyq talapty oqýshylar keldi.
Osyndaı taqyryp tańdalǵan kezdesýlerdiń Qyzylorda oblysynda ótýi zańdylyq. О́ıtkeni, tórtkúl dúnıe kóz tigip otyrǵan «Baıqońyr» ǵarysh aımaǵy osy oblystyń aýmaǵynda ornalasqan. Jeti qat kóktiń adam balasyna beımálim bolyp kelgen tylym syrlarynyń túıiniń tarqatý haraketi de osy aılaqtan bastaý alady.
Dástúrli Naýryz oqýlarynda Qyzylorda oblysynyń ákimi Q.Kósherbaev oqýshylarǵa ǵylym men tehnıkada úlken jetistikter tiledi.
«Ǵylym salasyndaǵy álemdik trendterdi talqylaýǵa arnalǵan alańda sizdermen kezdeskenime qýanyshtymyn. Bizdiń oblys aýmaǵynda 12 ushyrý alańy ornalasqan. Olardan aty ańyzǵa aınalǵan «Vostok», «Soıýz» jáne «Boran» kemeleri ǵaryshqa attanǵan. Sondyqtan, «Ǵarysh. Ǵylym. Intellekt» toǵyzynshy Naýryz kezdesýleri - adamzat ǵaryshqa qadam basqan Shyǵys órkenıetiniń ortalyqtarynyń biri, áıgili Qorqyt ata mekeninde ótýi beker emes, - dedi ol.
Baqtııar TAIJAN,
«Egemen Qazaqstan»
Qyzylorda oblysy