Beısenbi, 23 tamyz 2012 7:29
Ońtústik Koreıa Japonııanyń Tokto araly máselesin sheshý týraly BUU-nyń halyqaralyq sotyna júginý usynysynan bas tartty. Koreıalyq «Renhap» agenttiginiń aqparattaryna qaraǵanda, Tokto araly Ońtústik Koreıaǵa tıesili.
Beısenbi, 23 tamyz 2012 7:29
Ońtústik Koreıa Japonııanyń Tokto araly máselesin sheshý týraly BUU-nyń halyqaralyq sotyna júginý usynysynan bas tartty. Koreıalyq «Renhap» agenttiginiń aqparattaryna qaraǵanda, Tokto araly Ońtústik Koreıaǵa tıesili.
«Toktoǵa baılanysty aýmaqtyq daý bolmaýy kerek, – dep aıtypty Ońtústik Koreıanyń syrtqy ister mınıstri Kım Son Hvan. – Tokto tarıhı jáne geografııalyq jaǵynan da bizdiń jer». Bul aral Japon teńiziniń batys bóliginde ornalasqan, HH-ǵasyrdyń basyna deıin Koreıaǵa tıesili bolyp kelipti. Al 1905 jyly araldy Japonııa prefektisi óz aýmaǵyna alý týraly ókim shyǵarǵan kórinedi. Buǵan deıin Japonııa tarapy koreıalyqtarǵa osy daýly máselege qatysty sotqa júginý jóninde eki ret usynys bildirgen. Ekeýinde de Seýl bas tartqan.
Aqparat toly qujat urlandy
Fransııa úkimeti prezıdent saraıynyń, bas barlaý ortalyq dıreksııasyǵımaratynyń, sondaı-aq Fransııa ishki ister mınıstrligi men Parıjdegipolısııa basqarmasy ornalasqan oryn-jaıdyń naqty josparlaryurlanǵanyn jarııalady.
«Assosheıted-press» agenttiginiń habarlaýynsha, atalǵan ǵımarattar týraly barlyq aqparattar saqtalǵan fleshka ǵımaratqa jańa kommýnıkasııa jelilerin ornatyp jatqan bir merdigerde bolǵan. Belgisiz bireýler álgi fleshkany bıznesmenniń avtokóliginen urlap ketken. Tergeýshiler bul oqıǵanyń aldyn ala josparlanǵanyn nemese kezdeısoq ekenin bilmeı, bastary qatyp otyr. Polıseılerdiń aıtýynsha, qoldy bolǵan qujat qupııa emes, el qaýipsizdigine eshqandaı qater tóndirmeıdi.
Saparyn Irannan bastamaq
Soltústik Koreıa basshysy Kım Chen Yn óziniń memleket basshysy retinde shetelge alǵashqy saparyn Tehranǵa barýdan bastaýy múmkin. DRA agenttiginiń habarlaýynsha, Kım Chen Yn 26-31 tamyzda Iran astanasynda ótetin qosylmaý qozǵalysy sammıtine qatysady.
Keıbir aqparat kózderine qaraǵanda, bul áli de anyqtaýdy qajet etedi. Al Tehran sammıti baspasóz qyzmetiniń málimdeýinshe, Iran Kım Chen Yndy qurmetpen qabyldaıtyn bolady. Qosylmaý qozǵalysy áskerı blokqa kirmeıtin 120 memleketti biriktiredi. Sammıt úsh-tórt jylda bir ret ótip turady.
Basqa emes, prezıdentti «qorqytpaq»
AQSh-tyń qupııa qyzmeti prezıdent Barak Obamaǵa «óltiremin» degensıpattaǵy elektrondy poshtamen «qorqytý» hat joldaǵany úshin Sıetlqalasynyń bir turǵynyn tutqynǵa aldy. Bul jóninde«Assosheıted-press» agenttigi habarlady.
«Qorqytý» hat eldiń federaldy tergeý bıýrosyna kelgen. Olar ony dereý qupııa qyzmet organyna jibergen. Hattyń avtory 31 jastaǵy Anton Kelýrı bolyp shyqqan. Qupııa qyzmettiń iz kesýshileri álginiń páterine basyp kirgende, ol óz erkimen berilýden bas tartyp, úıge bomba qoıylǵanyn málimdegen. Teksere kelgende, jarylǵysh hat tabylmaǵan. Hat joldaýshynyń anasynyń aıtýynsha, A.Kelýrı joǵary bilimdi, áskerde qyzmet etken. Myna áreketi qatelik bolyp tabylady.
Júzdegen úı sý astynda qaldy
Krasnodar ólkesiniń Taýpsın aýdany aýmaǵyndaǵy Novomıhaılov poselkesinde 600-den astam turǵyn úı, sondaı-aq klýb, aýrýhana jáne mektep sý astynda qaldy. Bul eldi mekende 1,5 myńǵa jýyq adam turyp jatqan edi.
Sý basqan úılerdiń turǵyndary qaýipsiz jerlerge kóshirildi, qajetti kıimmen, azyq-túlikpen qamtamasyz etý qolǵa alyndy, poselke aýmaǵynda tótenshe jaǵdaı rejimi engizildi. Eń bastysy, adamdar arasynda qaıǵyǵa dýshar bolǵandar joq. Aıta keteıik, ótken aıda Kýbanda nóser jaýynnyń saldarynan eldi mekenderdi birneshe ret sý basyp, 160-tan astam adam qurban bolǵan edi.
Qylmyskerdi qaıtarýdy talap etedi
Qyrǵyzstan syrtqy ister mınıstrligi Belorýssııa prokýratýrasyn eks-prezıdent Qurmanbek Bakıevtiń inisi Janysh Bakıevti jasyryp otyrǵany úshin aıyptaǵan málimdeme jasady.
Qyrǵyzstan SIM-iniń keshe taratqan baspasóz paraqshasynda Janysh Bakıevtiń halyqaralyq izdeýde, onyń ishinde Interpol tarapynan da izdeýde júrgeni, Qyrǵyzstan tarapy ony qaıtarý týraly Belorýssııanyń tıisti organdaryna birneshe márte suranys jasalǵany, odan áli kúnge deıin esh nátıje shyqpaǵany kórsetilgen. Al J.Bakıev óz elinde adam ólimine soqtyrǵan birneshe qylmys boıynsha aıyptalyp otyr.
Qysqa qaıyryp aıtqanda:
Gvatemalanyń joǵary shendi burynǵy ofıseri Pedro Garsıa Arredondo kezinde adam urlaǵany úshin 70 jyl túrmege otyrý jazasyna kesildi. Elde azamat soǵysy júrip jatqan 1981 jyly ol agronom-stýdent Edgar Saensty urlaýdy uıymdastyrǵan eken. Onyń óli-tirisi áli belgisiz.
Aty-jónin kórsetpeýdi ótingen Sırııa úkimettik armııasynyń general-maıory, Aleppo operasııasynyń qolbasshysy Aleppo qalasy men osyǵan attas provınsııany kóterilisshilerden 20 kún ishinde «tazartýǵa» ýáde berdi.
AQSh-tyń bir turǵyny Martın Lıýter Kıngpen bolǵan suhbattyń aýdıojazbasyn tapty. 1960 jylǵy 21 jeltoqsanda júrgizilgen bul suhbat áli kúnge deıin jarııalanbaǵan eken.
Tájikstan arnaıy qyzmetiniń generaly A.Nazarovtyń ólimin uıymdastyrdy degen kúdikti I.Imomnazarovty óz úıinde belgisiz bireýler atyp ketken.
Internet materıaldary negizinde ázirlendi.