Bul týraly Aqordanyń baspasóz qyzmeti habarlady.
Qazaqstan Respýblıkasy Prezıdentiniń ókilettigin atqarý týraly
QAÝLY ETEMIN:
1. Qazaqstan Respýblıkasy Konstıtýsııasynyń 42-babynyń 3-tarmaǵyna sáıkes 2019 jylǵy 20 naýryzdan bastap Qazaqstan Respýblıkasy Prezıdentiniń ókilettigin atqarýdy toqtatamyn.
2. Qazaqstan Respýblıkasy Konstıtýsııasynyń 48-babynyń 1-tarmaǵyna sáıkes Qazaqstan Respýblıkasy Prezıdentiniń ókilettigi qalǵan merzimge Qazaqstan Respýblıkasy Parlamenti Senatynyń Tóraǵasyna Qazaqstan halqyna ant bergen sátinen bastap kóshedi.
3. Qazaqstan Respýblıkasy Konstıtýsııasynyń 42-babynyń 2-tarmaǵyna sáıkes Qazaqstan Respýblıkasy Prezıdentiniń qyzmetine kirisetin adamnyń Qazaqstan halqyna ant berý rásimi Qazaqstan Respýblıkasy Ortalyq saılaý komıssııasymen kelisim boıynsha Qazaqstan Respýblıkasy Parlamenti Palatalarynyń birlesken otyrysynda 2019 jylǵy 20 naýryzda 12 saǵat 00 mınýtta ótkizilsin.
4. Osy Jarlyq qol qoıylǵan sátinen bastap qoldanysqa engiziledi.
Qazaqstan Respýblıkasynyń Prezıdenti N.Nazarbaev
Astana, Aqorda, 2019 jylǵy 19 naýryz № 884