Qyrǵyzstan Prezıdenti Sooronbaı Jeenbekov Elbasy Nursultan Nazarbaevty ulttyq qana emes, álemdik deńgeıdegi tulǵa ekenin málimdedi. Bul týraly Qyrǵyzstan Prezıdentiniń resmı saıty habarlady.
«Búgin 19 naýryzda Qyrǵyz Respýblıkasynyń Prezıdenti Sooronbaı Jeenbekov Qazaqstan Respýblıkasynyń Prezıdenti Nursultan Nazarbaevpen telefon arqyly sóılesti.
Áńgime barysynda Prezıdent Sooronbaı Jeenbekov Qazaqstan Respýblıkasynyń Tuńǵysh Prezıdenti Nursultan Nazarbaevtyń Qazaqstannyń gúldep, órkendeýine sińirgen eńbegin erekshe atap ótti» delingen Qyrǵyzstan Prezıdentiniń resmı saıtynda jarııalanǵan málimdemede.
Sondaı-aq Nursultan Nazarbaevtyń qazirgi tańdaǵy kórnekti saıası jáne memleket qaıratkeri, reformator ekenin, óńirdegi ıntegrasııalyq úderistiń qurýshysy, ulttyq qana emes, álemdik deńgeıdegi tulǵa ekenine toqtaldy.
«Nursultan Nazarbaevtyń Qyrǵyzstan men Qazaqstan arasyndaǵy odaqtastyqty, strategııalyq áriptestikti, dostyq kórshiles qarym-qatynasty nyǵaıtýǵa jáne órkendetýge qosqan úlesin atap kórsetti.
Qyrǵyzstan Prezıdenti Sooronbaı Jeenbekov Nursultan Nazarbaevqa jaqsylyq, uzaq ómir tiledi» delingen málimdemede.