Elbasynyń málimdemesi men úshin de, Qazaqstan halqy úshin kútpegen oqıǵa boldy. Árıne, bárimizde qımastyq sezimi bar. Qazaqstan Respýblıkasynyń Tuńǵysh Prezıdenti Nursultan Nazarbaevtyń elimiz úshin jasaǵan eńbegi orasan zor. Keńes ókimeti qulaǵan qıyn-qystaý zamanda el tizginin óz qolyna alyp, 30 jyldyń ishinde Qazaqstandy kórkeıtip, jan-jaqty damytyp, memleketimizdi álemge tanytyp, halyqaralyq qoǵamdastyq tarapynan joǵary baǵaǵa ıe boldy.
О́zderińiz biletindeı, Elbasy sportqa árqashan kóńil bólip, bul salany árdaıym memlekettik mańyzy basym baǵyttar sanatyna qosyp keledi. Qazirgi tańda elimizde sportshylar úshin barlyq jaǵdaı jasalǵan. Sonyń nátıjesinde sportshylarymyz halyqaralyq arenalarda Qazaqstannyń kók týyn abyroımen kóterip, ánuranymyzdy shyrqatyp júr.
Meniń Olımpıada chempıony atanýyma Elbasy men elimniń artqan senimi áser etti. 2000 jyly Sıdneı Olımpıadasyna qatysýǵa joldama alyp qana qoımaı, Qazaqstannyń baıraǵyn Sıdneı tórinde alyp shyǵý mərtebesi maǵan buıyrdy. О́z moınyma úlken jaýapkershilikti alǵanymdy sezindim.
Elbasy Nursultan Nazarbaev maǵan týdy tapsyrǵan kezde: «Nursultan Əbishuly, Siz bergen kók baıraqty Sıdneı arenasynda abyroımen alyp ótip, ózińizge abyroımen əkelip tapsyramyn» dep ýáde bergen bolatynmyn.
Osyndaı ýədemen Olımpıadaǵa attanyp, kók týymyzdy abyroımen Elbasyna tabystaǵanym əli kúnge deıin kóz aldymnan ketpeıdi. Týdy Prezıdentimizge tabystap turǵanymda ol kisi maǵan: «Aınalaıyn Ermahan, er ekensiń! Kók týymyzdy kókke kóterip, sony altyn júldemen maǵan tapsyrǵanyń úshin rahmetimdi aıtamyn», dedi.
О́z basym Elbasynyń bastaǵan isin keıingi prezıdentter jalǵastyrý kerek dep esepteımin. Nursultan Nazarbaevtyń tapsyrmasymen jasalǵan baǵdarlamalardy júzege asyrsaq, Elbasy qalyptastyryp bergen jolmen júrsek, halqymyzdyń turmysy jaqsaryp, elimiz kórkeıe túsetini anyq.
Ermahan YBYRAIYMOV,
Sıdneı Olımpıadasynyń chempıony