Qazaqstanda shyǵatyn basylymdardyń jaryqqa shyǵýyna baǵyt-baǵdar berip, halyqaralyq standart talabyna saı tirkeýge alatyn, baspa jáne baspasóz ónimderin jınap, saqtaıtyn, statıstıkasyn júrgizetin birden-bir ǵylymı-bıblıografııalyq ortalyq Ulttyq Kitap palatasynyń qyzmetkerleri «áz-Naýryz» merekesin erekshe saltanatpen atap ótti.
«Kóktemniń kórikti kúnderiniń árbir sátin qalt jibermeýdi uıǵarǵan ujym «Naýryz» meıramyna úlken daıyndyq jasap, 14-23 naýryz kúnderi aralyǵynda birqatar sharalardy josparlaǵan. Kórisýmen bastalǵan aıtýly sharalar Kitap palatasynda kelesi kezekte suraq-jaýap tanymdyq saıysy, ulttyq kıimderden sán úlgisin kórsetý, kitap jármeńkesin uıymdastyrý, shaǵyn kórinister, «Ulystyń uly kúni» poezııa keshi, «Naýryz – dýman» shaǵyn konserti, «Qosh keldiń, áz-Naýryz» aǵash egý, Naýryz kúnine oraı tazalyq kúnin ótkizý, ulttyq oıyndardan saıys ótkizý sııaqty mazmundy keshtermen jalǵasyn tabatyn bolady. Kitap palatasy qyzmetkerleri «Naýryz» merekesinde erekshe mán beretin taǵy bir josparly shara - qaıyrymdylyq kórsetý. Bul baǵytta ujym kómekke muqtaj jandarǵa qol ushyn beretin bolady» dep atap ótti Kitap palatasy dırektorynyń orynbasary Tolqyn Sálmenbaeva.
Elvıra Serikqyzy,
«Egemen Qazaqstan»
ALMATY