Semeıde qazaq kúresinen «Ásker barysy» týrnıriniń jeńimpazy anyqtaldy. Qarýly kúshterdiń sardarlary men sarbazdary arasynda ótken saıysta 30-dan asa túıe balýan baq synady.
Jarys qorytyndysy boıynsha Áskerılerdiń Ortalyq sport klýbynyń (ÁOSK) ókili, kishi serjant Talǵat Ámirenovke teń keler eshkim tabylmady. 30 jastaǵy Shyǵys Qazaqstan oblysy týmasynyń dzıýdo kúresinen ótken talaı dúbirli dodada top jarǵanyn jankúıerler jaqsy biledi. Sambony da ol jetik meńgergen. Qazaq kúresinen ótken «Ásker barysy» týrnırinde Ámirenovtiń buryndary da top jarǵan. Bıylǵy dodanyń aqtyq synynda Talǵat Memlekettik kúzet qyzmetiniń áskerı qyzmetkeri, leıtenant Álibek Zekenovty utty. Al úshinshi orynǵa ÁOSK-niń ókildi, qatardaǵy sarbaz Ádil Orazbaev taban tiredi.
Aıtýly jarysta jeńiske jetý ońaı bolmady. Qarsylastarymnyń barlyǵy da jaqsy daıarlyqpen kelgen eken. Desek te men barymdy salyp, kózdegen maqsatyma qol jetkizdim. Endi «Qazaqstan Barysy» týrnırine tyńǵylyqty daıarlanamyn. Sol jarysta elimizdiń Qarýly kúshteriniń namysyn qorǵaý men úshin úlken maqtanysh, – deıdi Talǵat Ámirenov.
Ǵalym SÚLEIMEN,
«Egemen Qazaqstan»