Búgin Parlamenttiń birlesken otyrysynda Qazaqstan Respýblıkasy Konstıtýsııalyq Keńesiniń Tóraǵasy Qaırat Mámı Prezıdent О́kilettiginiń berilý tártibin túsindirdi.
«Táýelsiz Qazaqstannyń negizin qalaýshy - Qazaqstan Respýblıkasynyń Tuńǵysh Prezıdenti, Elbasy Nursultan Nazarbaev óziniń Konstıtýsııalyq quqyǵyn jáne de tarıhı mıssııasyn tolyqtaı iske asyryp, Qazaqstan Respýblıkasynyń Prezıdenti О́kilettigin óz erkimen toqtatty. Mundaı jaǵdaıda Qazaqstan Respýblıkasy Konstıtýsııasynyń 48-babynyń birinshi tarmaǵyna sáıkes Qazaqstan Respýblıkasy Prezıdentiniń О́kilettigi qalǵan merzimge Parlament Senatynyń Tóraǵasy Qasym-Jomart Kemeluly Toqaevqa kóshedi. Qazaqstan Respýblıkasy Konstıtýsııasynyń 42-babyna sáıkes Qazaqstan Respýblıkasynyń Prezıdenti Qazaqstan halqyna ant bergen sátinen bastap qyzmetine kirisedi» dedi Konstıtýsııalyq Keńes Tóraǵasy Qaırat Mámı.