Qasym-Jomart Toqaev Parlament palatalarynyń birlesken otyrysynda Elbasy Nursultan Nazarbaevqa «Halyq qaharmany» ataǵy men «Altyn juldyz» belgisin berdi.
Qazaqstan Prezıdenti qyzmetine kirisken Qasym-Jomart Toqaev óz sózinde alǵashqy sheshimi retinde Elbasy N.Nazarbaevqa «Halyq qaharmany» ataǵyn, «Altyn juldyz» belgisin tabystaıtynyn málimdedi.
«Asa qadirli Elbasy, jınalǵan qaýym! Meniń QR Prezıdenti qyzmetimdegi birinshi sheshimim «QR Tuńǵysh Prezıdenti - Elbasy týraly» Konstıtýsııalyq zańǵa jáne «Memlekettik nagradalar» týraly zańǵa sáıkes, Táýelsiz Qazaqstandy ornatýdaǵy tarıhı úlesi, ekonomıkalyq jáne áleýmettik jáne gýmanıtarlyq damytýdaǵy, qazaqstandyq qoǵamdy toptastyrýdaǵy asa úzdik eńbegi úshin QR Tuńǵysh Prezıdenti - Elbasy Nursultan Nazarbaevqa aıryqsha erekshelik belgisi «Altyn juldyz» ordenin tapsyra otyryp, «Halyq qaharmany» ataǵyn beremin», dedi Q.Toqaev.