Qyzylorda oblysyndaǵy "Jyly Júrek jastar" eriktiler tobynyń jetekshisi Saǵatbek Sııýov ókilettigin toqtatqan Elbasy jónindegi oıymen bólisti.
Elbasy óziniń eldi basqarý kezinde elimizdi damyǵan elderdiń qataryna qosty. Básekege qabiletti, álemdik arenada ózińdik ornyn qalyptastyryp, damyǵan eldermen terezesi teń deńgeıge deıin jetkizgen kóregen Prezıdent.
Sonymen birge Prezıdent endigi elimizdiń bolashaǵy jastardyń qolynda dep jastarǵa senim artyp otyr. Elbasy men úshin myqty saıasatker, sarabdal saıasat júrgizgen Tuńǵysh Elbasy retinde qala bermek.
Endi el tizgini kórnekti memleket qaıratkeri Qasym-Jomart Toqaevqa senip tapsyryldy. Teledıdardan onyń ant bergen mereıli sátin kórip, aldaǵy jumystaryna sáttilik tiledik. Bizdiń Otanymyzdyń tikken týy tuǵyrly bolsyn.
Táýelsizdiktiń tól qurdasy retinde endigi kezde elimizge amandyq, tatýlyq, birlik tileımin. Táýelsizdigimiz máńgi bolsyn!
Baqtııar TAIJAN,
«Egemen Qazaqstan»
Qyzylorda oblysy