«Aral taǵdyry qaı kezde de Elbasynyń tikeleı nazarynda boldy. Táýelsizdik jyldarynan beri Araldy saqtap qalý úshin jasalǵan talaı bastamalarǵa kýá boldyq. Osyndaı ıgi isterdiń árqaısysynda Elbasymyzdyń aıqyn qoltańbasy bar» deıdi araldyq Naǵashybaı Halyqulov.
- Búginde egemen elimizdiń kóp ultty halqyna Táýelsizdik tańyn tartý etken Elbasymyz Nursultan Ábishuly Nazarbaevtyń esimi araldyqtar úshin asa qymbat.
Araldyqtar Syrdarııa ózeniniń sýyn paıdalanyp otyrǵan ýaqytta ish aýrýlary kóptep taralǵan bolatyn. Osyndaı túıtkildi máseleni nazardan tys qaldyrmaǵan Nursultan Ábishuly 2005 jyly 27 sáýir kúni Aralda arnaıy jumys saparymen bolyp, turǵyndardyń taza aýyz sýǵa qol jetkizgen qýanyshymen ortaqtasty. Bul biz úshin tarıhı kún boldy.
Aralǵa kelgen aýyz sýdan alǵash dám tatqan Prezıdentimiz: – Mynadaı taza da dámdi sý Qazaqstanda joq, «Eń taza sý araldyqtarda»– degen bolatyn. Sol taza sý qazir árbir úıge tartylyp tur. Sondaı-aq, sol kezdegi «Men Aralǵa kómektesemin degen armanyma jetkenime qýanyshtymyn» degen sózi búginde árbir araldyqtyqtyń esinde.
Budan basqa da turǵyndardy tolǵandyrǵan biraz máseleler Elbasymyzdyń sarabdal saıasatynyń arqasynda óz sheshimin taýyp keledi. Birneshe jyldan beri araldyqtar kógildir otynnyń ıgiligin kórýde. Turǵyndardyń óz úılerin gazdandyrý múmkinshilikterin arttyrýǵa barlyq jaǵdaılar jasaldy.
Elbasymyzdyń ár jylǵy halyqqa arnaǵan Joldaýynda atap kórsetken baǵyttar boıynsha aýqymdy ister atqarylyp, jalǵasyn tabýda.
Tuńǵysh Prezıdentimizdiń egemen elimizdiń qalyptasýy men damýy jolyndaǵy ólsheýsiz eńbegine rızashylyǵymyz sheksiz,-deıdi ol.
Baqtııar TAIJAN,
«Egemen Qazaqstan»
Qyzylorda oblysy