Túrkistan oblysynyń ákimi О́mirzaq Shókeev arnaıy jumys saparymen Kentaý qalasyna bardy. Onda birqatar mańyzdy nysandardy aralap, atqarylyp jatqan jumystarmen tanysty. Bul týraly Túrkistan oblysy ákiminiń baspasóz qyzmeti habarlady.
Aldymen oblys basshysy ındýstrıaldy aımaqqa aıaldady. Búginde onda jalpy quny 3 879,4 mln. teńge bolatyn 6 joba jumys istep keledi.
Indýstrıaldy aımaq 2015 jyly jumysyn bastaǵan. Nysannyń jer kólemi 25 gektardy quraıdy. Indýstrıaldy aımaqty elektr qýatymen qamtamasyz etip, sý qubyrlaryn júrgizý isi jolǵa qoıylǵan. Káriz júıesi men baılanys ornatý máselesi de sheshimin tapqan.
Aıta keteıik, Kentaý qalasynda 2019-2020 jyldary qurylys, aýyl sharýashylyǵy jáne energetıka salalaryna qatysty qosymsha 8 ınvestısııalyq jobany júzege asyrý josparlanǵan.
Sondaı-aq, aımaq basshysy «Kentaý servıs» memlekettik kommýnaldyq kásipornynda da boldy. Atalǵan mekemeniń negizi 1952 jyly qalaǵan. 2011 jyly qaıta qurylǵan kásiporyn qaladaǵy 334 kópqabatty turǵyn úı, 2121 jeke úı, 374 kommersııalyq nysan, 102 bıýdjettik mekemeni jylý energııasymen qamtýmen aınalysady.
Jylý energııasyn óndiretin mekeme 6 qazandyq, 2 týrbogeneratory, 4 dana qaıta sorý qondyrǵylarymen qamtylǵan. Onda 395 maman jumys isteıdi. Jalpy qaladaǵy magıstraldyq jylý qubyry 38,2 shaqyrym, ishki oramdyq jylý qubyry 116,8 shaqyrymdy quraıdy.
Mekemeniń jaı-kúıimen tanysyp shyqqan oblys ákimi keler jyly Kentaý qalasyndaǵy jylý qubyrlary men qondyrǵylaryna tolyǵymen jóndeý jumystaryn júrgizý kerektigin aıtty. Osyǵan baılanysty saraptamalyq jumystardyń nátıjesin naqtylaýdy tapsyrdy.
Odan bólek, oblys ákimi Kentaý qalasyndaǵy kópqabatty turǵyn úılerdi jańǵyrtý jumystarymen de tanysty. Jalpy Kentaý qalasynda 358 kópqabatty turǵyn úı bar. «О́ńirlerdi damytýdyń 2020 jylǵa deıingi baǵdarlamasy» aıasynda búgingi kúnge deıin 512 769,0 myń teńgege 35 kópqabatty turǵyn úıler kúrdeli jóndeýden ótken. Qalǵan 305 úı kúrdeli jóndeýdi qajet etedi. 2019-2021 jyldary kúrdeli jóndeýden ótkiziletin ǵımarattardyń jospary daıyndalyp, bekitilgen.
О́ńir basshysy is sapary sońynda «Ashysaı Sý» MKK káriz sý tazalaý stansasynyń jumysymen tanysty. 1984 jyly iske qosylǵan mekeme káriz sýlaryn mehanıkalyq jáne tabıǵı jolmen tazalaýmen aınalysady. 48 gektar aýmaqta káriz sý tazalaýǵa arnalǵan reshetkalar, tundyrmalardy tazalaıtyn qondyrǵylar, qumustaǵysh, tundyrý alańdary ornatylǵan. Qaladaǵy káriz sý júıeleriniń jalpy uzyndyǵy 97 shaqyrymdy quraıdy.