Naýryz meıramy qarsańynda merekelik dastarhan dámdi, biraq zııandy, maıly jáne qorytylýy qıyn taǵamdarǵa toly bolady.
Merekege daıyndalyp, adamdar dastarhan jaıý úshin azyq-túlikti kóptep satyp alady. Olardy dúkenderden, bazarlardan satyp alǵan kezde taýardyń jaramdylyq merzimine, onyń túrine, ıisine, saqtaý jaǵdaılaryna, taýarlyq kórshilestigine, obektiniń sanıtarlyq jaǵdaıyna nazar aýdaryńyz.
Saýda jasaýǵa ruqsat etilmegen jerlerdegi kezdeısoq adamdardan azyq-túlik taýarlarlaryn satyp almańyz! Sonymen qatar, taǵamnan ýlanýdyń paıda bolý qaýpi týraly aıta ketý kerek. Olardyń paıda bolýynyń sebepteri: daıyn taǵamdar, negizinen maıonez nemese qaımaq qosylǵan kóp komponentti salattar, krem qosylǵan kondıterlik ónimder, shabylǵan etten jasalǵan taǵamdar, holodes, konservilengen qysqy salattar, marınadtalǵan qııarlar, úıde jasalǵan qyzanaqtar, sondaı-aq shala jýylǵan jemis-jıdek, jańa pisken kókónister, óıtkeni olarda ishek ınfeksııalary qozdyrǵyshtarynyń qalýy múmkin.
Taǵamnan ýlanýdan jáne ınfeksııalyq aýrýlardan saqtaný úshin mynadaı qaǵıdalardy este ustaý kerek:
qanshalyqty dámdi jáne arzan bolsa da, daıyn taǵamdardy satyp almaýǵa tyrysyńyz. Eger de siz olardy satyp alamyn dep sheshseńiz, onda olardyń jaramdylyq merzimi men saqtaý jaǵdaılaryn tekserińiz; merekelik taǵamdardy úıde daıyndaǵan kezde, eń aldymen qolyńyzdyń, jabdyqtardyń, as úı jabdyqtarynyń, úı-jaıdyń taza bolýyna kóńil bólińiz; shıki azyq-túlik pen daıyn taǵamdy bólek saqtańyz, olardy óńdeý úshin bólek pyshaqtardy jáne týraıtyn taqtaılardy qoldanyńyz; jańadan daıyndalǵan taǵamdy aldyńǵy kúnnen qalǵan taǵam qaldyqtarymen aralastyrmańyz; eger daıyn taǵam kelesi kúnge qalatyn bolsa, onda ony paıdalanýdyń aldynda termııalyq óńdeýden ótkizgen (qaınatqan nemese qýyrǵan) durys, alaıda muny istemegen jón; etti, qus etin, jumyrtqalardy, teńiz ónimderin jáne merekelik dastarhanǵa arnalǵan basqa da ıngredıentterdi qýyrǵanda, qaınatqanda durys temperatýralyq rejım men daıyndaý ýaqytyn saqtaǵan óte mańyzdy – termııalyq óńdeýdiń zııandy mıkrobtardy «óltiretini» belgili; taǵamnyń kúdik týǵyzatyn kez kelgen túrin tastaǵan durys.Mereke kúnderinde jappaı ýlaný oqıǵalarynyń jartysynan kóbi – adamdar qalǵan taǵamdardy tastaýǵa qımaıtyndyǵynan, birtindep tamaqqa paıdalanyp, olardy kóp saqtaıtyndyǵynan bolady.
Dene qyzýynyń kóterilýi, tábettiń joǵalýy, suıyq nájis, loqsý, qusý, sondaı-aq ortalyq júıke júıesi jumysyndaǵy jekelegen buzylýlar nemese júıke júıesiniń botýlızm kezinde jıi baıqalatyn tolyq jumys istemeýi sııaqty taǵamnan ýlaný belgileri paıda bolǵan kezde shuǵyl túrde medısınalyq kómekke júginý kerek.
Mundaı qarapaıym profılaktıkalyq sharalardy oryndaý densaýlyǵyńyzdy saqtaýǵa, sondaı-aq meıramdy jaqsy ótkizýge septigin tıgizedi.