Erkin qala aýyldyq okrýginiń Rakýsha aýylynda jańa mektep paıdalanýǵa berildi. Atyraý qalalyq ákimdigi baspasóz qyzmetiniń habarlaýynsha, bilim ordasy «NCOC» kompanııasynyń demeýshiligimen salynǵan
- Rakýsha aýylyndaǵy M.О́temisov orta mektebiniń qurylysy 2017 jyldyń maýsym aıynda bastalyp, 2019 jyldyń naýryzynda aıaqtaldy. Bul jergilikti turǵyndar úshin qýanyshty jaıt, sebebi, О́rken yqsham aýdanyndaǵy 35 mektepte aýyldyń 645 balasy oqyp jatyr, - dedi qalalyq bilim berý bóliminiń basshysynyń orynbasary Erlan Qabdınov.
Eki qabatty jańa mektep 2,5 gektar jerde ornalasqan. Munda sapaly bilim berýge barlyq jaǵdaı jasalǵan: kabınetter jańa zamanaýı jabdyqtarmen, ınteraktıvti taqtamen jáne kompıýtermen jabdyqtalǵan. Mektepte keń ári jaryq synyptar, úlken sport zaly, ashana, kitaphana jáne mektepke deıingi jastaǵy balalardyń jeke synyptary bar.
- Men bizdiń qalamyzdyń áleýmettik salasyn damytýǵa qosqan zor úlesi úshin «NCOC» kompanııasynyń basshylyǵyna alǵys aıtqym keledi. Oblys ortalyǵyndaǵy qurylys ınfraqurylymy men áleýmettik nysandaryńyzdyń arqasynda mektepter men balabaqshalar tapshylyǵy máselesi sheshilýde , - deıdi Atyraý qalasynyń ákimi Álımuhammed Quttymuratuly.
Baqytgúl BABASh,
«Egemen Qazaqstan»
Atyraý