Pavlodar júk tasymaly bólimshesiniń tasymal qujattaryn óńdeý jónindegi operatory Janar Toǵaeva kez kelgen kásibı tiginshiden kem túspeıdi. Ol ulttyq kostıýmderdi tigip, sonysymen de «Made in Kazakhstan» brendin alǵa jyljytady jáne qazaq halqynyń dástúrin jandandyrady.
Birde bir ulttyq merekeler onyń qatysýynsyz ótpeıdi. Ol tikken eksklıýzıvti kostıýmder aınalaǵa merekelik kóńil-kúı syılaıdy.
«Meniń eki ulym bar, birde solarǵa jańajyldyq kostıýmder tiktim. Biraz ýaqyt ótkennen keıin tanystarym álgi kostıýmderdi jalǵa suraı bastady, sodan shaǵyn bıznesimniń ıdeıasy paıda boldy. Al tigý meniń bala kezden armanym bolatyn, meniń súıikti áýezim edi. Bul qyzyǵýshylyǵymdy ájem demep otyrdy, keıinnen meniń tikken kıimderimdi erekshe maqtanyshpen kıip júrdi», - dep aǵynan jaryldy J.Toǵaeva.
Janar Toǵaeva qamzoldar, tilashar, tusaý kesý jáne Naýryz meıramyna qajetti kostıýmder tigedi. Budan basqa, keshki kıimderdi ulttyq naqyshta jasaı alady. Oıý-órnekterdi aldymen qaǵazda qıyp alady jáne de olary ózindik ózgeshelikterimen ádemi bolyp shyǵady. Bylaısha aıtqanda, dızaınyń qıystyryp-aq keltiredi. Tigý men pishindeý talantyn ol ájesinen jáne aǵasy – Qazaq KSR eńbegi sińgen sáýletshisi Qaldybaı Montaqaevtan muraǵa qabyldap alǵandaı.
«Eń aldymen men kıimdi aqsha emes, jan jadyratý úshin tigemin. Turmystyq aýyrtpalyqtardan sharshaǵan kezde tigin barlyǵyn umyttyryp, júıkei tynyshtandyrady jáne rahattandyrady. Balalar kostıýmderin tigýdi jáne olardy syıǵa tartqandy jaqsy kóremin. Adamnyń júzinen qýanyshtyń izin kórý – men úshin eń bastysy», - deıdi J.Toǵaeva.