Q.Sátbaev dańǵylynyń ataýyn N.Nazarbaev dańǵylyna ózgertýdi usyndy, dep habarlaıdy Atyraý qalasy ákimdiginiń baspasóz qyzmeti.
Bul usynysty qalalyq máslıhat depýtattary 20 naýryzda kezekti otyrysta qoldady.
«Búgingi tańda Qazaqstan Respýblıkasynyń Prezıdenti mindetin atqarýshy Qasym-Jomart Toqaev Qazaqstan Respýblıkasynyń Tuńǵysh Prezıdenti Nursultan Nazarbaevtyń qurmetine Astananyń atyn ózgertýdi usyndy. Sondaı-aq árbir qalada kóshelerdiń birin Nursultan Nazarbaevtyń atymen ataý kerek ekendigin aıtty. Osyǵan baılanysty men Q.Sátbaev dańǵylyn N.Nazarbaev dańǵylyna aýystyrýdy usynamyn», dedi qalalyq mádenıet jáne tilderdi damytý bóliminiń basshysy Aqylbek Rysqalıev depýtattarǵa usynys jasap.
О́z kezeginde depýtattar dańǵyl atyn ózgertý týraly usynysty biraýyzdan qoldady. Sondaı-aq, qalalyq máslıhattyń 36-sessııasynyń otyrysynda Azattyq dańǵylynyń ataýy akademık Q.Sátbaev dańǵylyna aýystyrý týraly usynys jasaldy.
Dańǵyl ataýyn ózgertý týraly usynys Respýblıkalyq onomastıkalyq komıssııanyń sheshimine sáıkes engiziledi.
Baqytgúl BABASh,
«Egemen Qazaqstan»
Atyraý