Keshe Qostanaı qalalyq máslıhatynyń kezekten tys sessııasynda depýtattar oblys ortalyǵyndaǵy Abaı dańǵylyn Nursultan Nazarbaevtyń atyna ózgertýdi qoldap, bir kisideı daýys bergen edi. Tıisti qujat Qazaqstan Respýblıkasynyń Úkimeti janyndaǵy Respýblıkalyq onomastıka komıssııasynyń qaraýyna jiberilgen bolatyn. Alaıda bul sheshim onomastıka komıssııasy músheleriniń tarapynan qoldaý tappady.
Komıssııa músheleri ózgertý úshin kósheni tańdaýdy qaıta qaraýǵa usynys bildirdi. Osyǵan baılanysty Abaı dańǵylynyń atyn ózgertý týraly másele ázirge kún tártibinen tústi. Aldaǵy ýaqytta Qostanaı qalsyndaǵy ortalyq kóshelerdiń birin N.Nazarbaevtyń atyna berý máselesi zań aıasynda azamattardyń qaraýymen, usynysymen belgilengen tártip jáne merzimmen qaralatyn bolady.
Názıra Járimbet,
«Egemen Qazaqstan»
Qostanaı