TMD BASTAÝ BOLǴAN INTEGRASIIа

Memleket basshysy Nursultan Nazarbaev Reseı Federasııasynyń Úkimeti Tóraǵasynyń birinshi orynbasary Igor Shývalovty qabyldady.Prezıdent Reseıdi TMD-ǵa tór­aǵa­lyǵynyń bastalýymen quttyq­ta­dy. N.Nazarbaev Táýelsiz Mem­leketter Dostastyǵy Qazaqstannyń bastamasy boıynsha Almatyda 1991 jyly 21 jeltoqsanda qurylǵanyn atap ótti. – Men biz sol ýaqytta durys she­shim qabyldadyq dep oılaımyn, – dep atap ótti Memleket bas­shysy. N.Nazarbaev sondaı-aq Keden­dik odaqty qurý jáne Biryńǵaı ekonomıkalyq keńistikti qa­lyp­tas­tyrý jónindegi kelisimderdi keli­sil­gen merzimde oryndaý qajettigin atap ótti. I.Shývalov Memleket basshy­syn Uly Otan soǵysyndaǵy Je­ńistiń 65 jyldyǵy atap ótiletin jyldaǵy Reseı tóraǵalyǵy kezinde soǵys ardagerlerin qoldaý, sondaı-aq ǵylym men ınnovasııany damy­týǵa kómektesý máselelerin sheshý nıetinde ekendiginen habardar etti. Osyǵan baılanysty Reseı Dos­tas­tyq boıynsha seriktesterimen bir­le­sip kólik, energetıka, eńbek ry­nogy, bilim jáne mádenıet sala­laryndaǵy jańa jobalardy usyný nıetinde. – Kelesi jyly TMD quryl­ǵa­nyna 20 jyl tolýyn atap ótedi. Osy dataǵa oraı erkin saýda aıma­ǵy týraly jańa kelisimder ázirleý qajet, – dedi I.Shývalov kezdesý aıaq­talǵannan keıin. Áńgimelesý barysynda sondaı-aq 2009 jyly qarashada Mınskide berilgen Qazaqstan, Belarýs jáne Reseı arasynda Kedendik odaq qurý jónindegi prezıdentterdiń tap­syrmalaryn oryndaý barysy týraly sóz boldy. Bul úshin Keden­dik kodeksti qabyldaý qajet. So­ny­men qatar, kedendik qyzmet jumysynyń birlesken reglamenti, biryńǵaı aqparattyq júıeni qurý týraly kelissózder mańyzdy, al osy­ǵan deıin árbir ulttyq keden osy aqparattyq aǵynmen qalaı qam­tamasyz etiletinin oılaný qajet. I.Shývalov N.Nazarbaevty Kedendik odaq komıssııasynyń soń­ǵy otyrysynda qabyldanǵan she­shim týraly, ıaǵnı 1 shildeden bastap 2012 jylǵy 1 qańtarǵa qa­raı Biryńǵaı ekonomıkalyq keńis­tikti qurý jónindegi qujattar pake­tin qalyptastyrý úderisi bastala­tyndyǵynan habardar etti. Bul biz birlesip kúsh-ji­ge­rimizdi salý arqyly alǵa jyljı­tyn ıntergasııanyń kelesi satysy, – dep atap ótti I.Shývalov. Qazaqstan Respýblıkasy Prezıdentiniń baspasóz qyzmeti.