Beısenbi, 4 qazan 2012 7:15
Alǵashqy pikirsaıys ótpek
Sársenbi kúni AQSh prezıdenttigine kandıdattar Barak Obama men Mıtt Romnı arasyndaǵy alǵashqy debattar ótpek.
Denver ýnıversıtetinde ótetin bul sózsaıys ishki saıasat máselelerine arnalmaqshy. Debat bir jarym saǵatqa sozylatyn bolady. Osy ýaqyttar ishinde prezıdent laýazymy úshin kúrestegi básekelester áli de óz tańdaýlaryn jasamaǵan amerıkalyqtardyń daýystaryn jeńip alý úshin talpynys jasamaq. Ázirge, jalpyulttyq saýalnama málimetterine sáıkes, eldiń basym kópshiligi Obama jaǵynda. 49 paıyzdy quraıtyn onyń reıtıngi Romnıden 4 paıyzǵa asyp tur.
Beısenbi, 4 qazan 2012 7:15
Alǵashqy pikirsaıys ótpek
Sársenbi kúni AQSh prezıdenttigine kandıdattar Barak Obama men Mıtt Romnı arasyndaǵy alǵashqy debattar ótpek.
Denver ýnıversıtetinde ótetin bul sózsaıys ishki saıasat máselelerine arnalmaqshy. Debat bir jarym saǵatqa sozylatyn bolady. Osy ýaqyttar ishinde prezıdent laýazymy úshin kúrestegi básekelester áli de óz tańdaýlaryn jasamaǵan amerıkalyqtardyń daýystaryn jeńip alý úshin talpynys jasamaq. Ázirge, jalpyulttyq saýalnama málimetterine sáıkes, eldiń basym kópshiligi Obama jaǵynda. 49 paıyzdy quraıtyn onyń reıtıngi Romnıden 4 paıyzǵa asyp tur.
Aleppoda kúshti jarylys boldy
Keshe Sırııanyń iri qalalarynyń biri Aleppoda jarylys boldy. Sońǵy málimetter boıynsha 4 bomba jarylǵan kórinedi.
Buqaralyq aqparat quraldary kem degende 40 adamnyń qaza tapqanyn jáne 70-ten astam adamnyń jaraqat alǵanyn habarlaýda. Al Sırııadaǵy Adam quqyqtary jónindegi qadaǵalaý keńesiniń málimetteri boıynsha jaraqattanǵandar sany 90-ǵa jetedi. Sonymen birge, quqyq qorǵaýshylar, qaza bolǵan 40 adamnyń basym kópshiliginiń beıbit turǵyndar emes, áskerı qyzmetshiler ekenin aıǵaqtap otyr.
Úkimetti koalısııa jasaqtamaq
El konstıtýsııasy boıynsha parlament saılaýynan keıin jańa úkimet jasaqtaýǵa quqyly Grýzııa prezıdenti Mıhaıl Saakashvılı bul quqyqty parlamenttik basymdyqqa ıe bolǵan «Grýzın armany» koalısııasyna berip otyr.
Grýzııa parlamentiniń spıkeri Davıd Bakradzeniń aıtýynsha, jańa parlament qazirgi premer Vano Merabıshvılıdiń úkimetin bekitpeıdi. Al onyń artynyń kezekten tys saılaý taǵaıyndaýǵa aparatyn saıası daǵdarysqa soqtyrýy múmkin. Aıta ketý kerek, osynyń aldynda M.Saakashvılı ózi basqaratyn bıliktegi «Birtutas ulttyq qozǵalys» partııasynyń oppozısııaǵa ketetinin habarlaǵan bolatyn. Saılaýdyń aldyn-ala qorytyndysy boıynsha B.Ivanıshvılı koalısııasy – 55, M.Saakashvılı partııasy 40,27 paıyz daýys jınap otyr.
Bishkektegi ereýil
Bishkektiń ortalyq alańynda «Qumtór» altyn ken ornyn nasıonalızasııalaý úshin bolǵan ereýilden 9 adam zardap shekken.
Aldyn ala málimetter boıynsha, Ala-Too alańyndaǵy ereýildi qýyp taratqannan keıin 9 adam medısınalyq kómek suraǵan. Olardyń jeteýi, onyń ishinde 5 mılısııa qyzmetkeri aýrýhanada jatqan kórinedi. Ereýilshiler parlament ǵımaratyna basyp kirýge talpynǵan. Sondaı-aq olar ǵımaratqa jáne ony kúzetip turǵan mılısıonerlerge tas laqtyrǵan. Ereýilge barlyǵy 500-ge jýyq adamnyń qatysqany belgili bolyp otyr.
Stýdentterge qarsy oq atty
Nıgerııada belgisiz bireýler 27 stýdentti atyp óltirgen, 15-ke jýyq adam dene jaraqattaryn alǵan.
Mýbı qalasyna jasalǵan shabýyldan keıin qalada komendanttyq saǵat engizilip otyr. Jergilikti bıliktiń habarlaýynsha, kamýflıaj kıimindegi qarýly adamdar polıtehnıkalyq kolledj jataqhanasyna basyp kirip, ondaǵy oqýshylarǵa oq ata bastaǵan. Polısııa da, áskerı bólimsheler de qylmyskerlerge tosqaýyl qoıa almaǵan kórinedi. Qazirgi ýaqytta jergilikti turǵyndarǵa úılerinen shyqpaý jóninde buıryq berilgen.
Kólik saýdasy qysqarýda
Germanııanyń avtomobıl rynogyndaǵy avtokólik saýdasy kúrt qysqaryp ketken.
Qyrkúıek aıynda 250 myńǵa jýyq jańa avtomobılderdiń satylǵany tirkelgen. Bul 2011 jyldyń osy aıymen salystyrǵanda, 11 paıyzǵa kem. Barlyǵy qańtar men qyrkúıek aılarynda 2,36 mıllıon jańa avtomobıl saýdalanǵan eken. Osylaısha, 2012 jyldyń 9 aıynyń kórsetkishi ótken jyldyń dál sol kezeńimen salystyrǵanda 1,8 paıyzǵa qysqarǵan kórinedi.
Premerge qoldaý bildirdi
Ispanııanyń 17 óńiriniń úkimetteri ortalyq bıliktiń 2013 jylǵa belgilegen bıýdjet tapshylyǵy baǵdarymen kelisetindikterin bildirgen.
Osylaısha, el keń kólemdi kómek suraıdy dep kútken ınvestorlar tarapynan bolyp jatqan eleýli qysymdy sezinip otyrǵan Ispanııa premeri Marıano Rahoı az ýaqytqa bolsa da tynys alǵandaı boldy. Premer bıýdjetke qoldaý kórsetkenderi úshin óńir basshylaryna alǵys aıtyp, bul kózqarastyń federaldyq úkimet pen óńirler arasyndaǵy daý-janjaldy boldyrmaýǵa jaǵdaı jasaıtynyn atap kórsetken.
Tropıkalyq daýyl qateri
Atlant muhıtynda «Oskar» tropıkalyq daýyly paıda bolyp, ol Karıb araldary baǵytyna qaraı qozǵalýda.
Bul týraly AQSh-tyń daýyldardy baqylaý jónindegi ulttyq ortalyǵy habarlaǵan. Daýyldyń taıaýdaǵy 48 saǵattyń ishinde tropıkalyq sıklonǵa aınalý múmkindigi úlken dep atap kórsetilgen habarda. «Oskar» daýyly Jasyl múıis araldarynan shamamen alǵanda, 1,5 shaqyrym ońtústik-batysqa taman aımaqta paıda bolǵan kórinedi.
Internet materıaldary negizinde ázirlendi.