Naýryz merekesine oraı teńiz jaǵalaýyna 26 aq kıiz úı tigilgen. Bul týraly Mańǵystaý oblysy ákimdiginiń baspasóz qyzmeti habarlady.
Ár bir kıiz úıdiń aldynda ulttyq taǵamdardan merekelik dastarhan jaıylyp, kópshilikke usynylǵan. Kıiz úıler shaǵyn aýyl túrinde qoıylǵan. Ár kıiz úıdiń ókilderi qala turǵyndary men qonaqtary úshin teatrlandyrylǵan qoıylymdar kórsetildi. Áz-naýryzdy atap ótýge jaǵalaýǵa júz myńǵa jýyq adam jınaldy.
Merekelik shara 500-den astam adam qatysqan «Áz – Naýryz-tatýlyq merekesi!» atty teatrlandyrylǵan qoıylymnan bastaldy. Mańǵystaý ártisteri óz qoıylymdarynda Elbasy Nursultan Nazarbaevtyń «Uly dalanyń jeti qyry» maqalasynda aıtylǵan qazaq dalasynda ómir súrgen ejelgi kóshpeli halyqtardyń jeti qazynasyn kórsetti. Qoıylym úsh aktiden turatyn Uly Jibek joly kerýeni kórsetildi. Jaǵalaýda at, túıe, qazaqtyń tazy ıtteri men búrkitteri júrip ótti.
Oblys ákimi Eraly Toǵjanov barlyq jınalǵan qaýymdy Naýryz meıramymen quttyqtady. Aımaq basshysy Tuńǵysh Prezıdent Nursultan Nazarbaevtyń tapsyrmasy boıynsha Mańǵystaýda múgedekterdi, jetim balalardy, kóp balaly az qamtylǵan otbasylardy qoldaýǵa baǵyttalǵan «Baqytty otbasy» jobasyn júzege asyrý bastalǵanyn atap ótti. Eraly Toǵjanov jaǵdaıy tómen 10 otbasyǵa 100 myń teńge kóleminde bir rettik kómek tabys etti.
«19 naýryzda búkil álem jurtshylyǵy asa mańyzdy tarıhı oqıǵanyń kýási boldy. Qazaqstan Respýblıkasynyń negizin qalaýshy, ult kóshbasshysy, tarıhı tulǵa, tuńǵysh prezıdenti Nazarbaev memleket basshysy ókilettigin toqtatty. Osynaý mańyzdy sheshim elbasymyzdyń jahandyq deńgeıde ulylyǵy men danalyǵyn kórsetti dep oılaımyn. Nursultan Ábishuly el tizginin qolǵa qolǵa alǵan sátten bastap, kúni búginge deıin memleketimizdiń órkendeýi men gúldenýi jolynda aıanbaı eńbek etti. Biz barlyq jetistigimizge Tuńǵysh prezıdentimizdiń qajyrly eńbeginiń arqasynda qol jetkizdik», -dep atap ótti Eraly Toǵjanov.
Sondaı-aq, "Naýryz – jańǵyrý men jańarýdyń, eńsesi bıik eldiktiń, tatýlyq pen birliktiń, yrys pen molshylyqtyń belgisi.Mańǵystaýda naýryz aıy qaıyrymdylyq aıy bolyp jarııalandy. Aqpan aıynan bastap óńirde bir qatar qaıyrymdylyq aksııalar uıymdastyryldy. Qalalar men aýdandarda jergilikti kásiporyndar basshylarynyń, kásipkerlerdiń qoldaýymen 1842 muqtajǵa, sonyń ishinde kóp balaly otbasylarǵa 32 mln teńge kóleminde kómek kórsetildi. Sonymen qatar, Qazaqstan halqy Assambleıasy halyqtyń áleýmettikosaltoptaryn qoldaýǵa baǵyttalǵan «Qaıyrymdylyq kerýen» aksııasyna bastaý alyp, ol 2019 jyl boıy ótkiziletin bolady», dedi ákim.
Sondaı-aq, jaǵalaýda qalanyń áleýmettik - ekonomıkalyq damýyna eleýli úles qosqan Qurmetti azamattar men eńbek ardagerlerine qurmet kórsetildi jáne «Ulys kúni – Ulykósh» mádenıet mekemeleri ujymdarynyń sherýi jergilikti qol ónershilerdiń jármeńkesi, «Baýyrsaq» jármeńkesi uıymdastyryldy, sondaı-aq, qala kásipkerleri qonaqtardy táttiler jármeńkesimen qýantty. Qala turǵyndary men qonaqtary«asyq atý», arqantartý, armrestlıng, darts, shahmat, qazaqshakúres, girkóterý, toǵyz qumalaq sııaqty ártúrli sport túrlerinen jarysqa qatysty. Is-shara merekelik baǵdarlamamen jáne oblystyń shyǵarmashylyq ujymdarynyń konsertimen jalǵasty. Sondaı-aq, jaǵajaıda «Jyr ǵumyr» atty ánshiler-termeshilerdiń qalalyq baıqaýy ótti.