Qazaqstannyń birinshi, álemniń 44-raketkasy Iýlııa Pýtınseva Maıamı týrnıriniń úshinshi aınalymyna shyqty, dep habarlaıdy QazAqparat.
Qazaqstandyq tennısshi ekinshi aınalymda álemniń 20-raketkasy, shveısarııalyq Belında Benchıchpen kezdesti. Iý.Pýtınseva 6:3, 7:5 esebimen eki partııada jeńiske jetti. Báseke 1 saǵat 40 mınýtqa sozyldy. Budan buryn tennısshiler eki márte kezdesken bolatyn. Sonyń bireýinde qazaqstandyq tennısshi basym tússe, bıylǵy Aýstralııa ashyq chempıonatynda shveısarııalyq sportshy utqan edi. Iý.Pýtınseva úshinshi aınalymda álemniń 12-raketkasy, latvııalyq Anastasııa Sevastovamen kortqa shyǵady.
Eske sala keteıik, budan buryn Iý.Pýtınseva ekinshi aınalymǵa shyqqan bolatyn.