Qytaıdyń shyǵysyndaǵy hımııa zaýytynda bolǵan jarylystyń qurbandarynyń sany 47 adamǵa jetken. Taǵy 90 adam aýyr jaraqat alǵan.
Jarylys jergilikti ýaqyt boıynsha 14:50 shamasynda) beısenbide Iаnchen (Szıansý provınsııasy) okrýgindegi «Szıansý Tıanszıaı» zaýytynda oryn alǵan. Onyń operatory – Tianjiayi Chemical kompanııasy. Kásiporyn tyńaıtqysh óndirýmen aınalysady.
Qýatty jarylystyń artynsha alapat órt bolyp, kórshi ǵımaratqa da áser etken.
Jarylys pen artynsha oryn alǵan órt saldarynan barlyǵy 640 adam aýrýhanaǵa jatqyzylǵan. Kóp naýqastardyń jaǵdaıy múshkil, al ondaǵan adamnyń jaraqattanýy aýyr dep baǵalandy.
Jarylys tolqyny oqıǵadan shamamen 5 km radıýsta ornalasqan ǵımarattarǵa jetken. Qytaı bıliginiń málimetteri boıynsha, jarylys kezinde 2,2 magnıtýdasy bar terbelis tirkelipti.