Fýtbol jankúıerlerin stadıonǵa qaladaǵy qoǵamdyq kólikter men men shattl-basstar jetkizedi, dep habarlaıdy elorda ákimdiginiń resmı saıty.
24 naýryzda saǵat 20:00-de «Astana Arena» stadıonynda Eýropa-2020 chempıonatynyń irikteý matchy aıasynda Qazaqstan men Reseıdiń ulttyq qurama komandalary arasynda fýtbol oıyny ótedi. Jankúıerler № 10, 12, 28, 37, 40, 51, 53, 60 baǵyttaǵy avtobýstarmen stadıonǵa jete alady.
Sonymen qatar, kórermenderge yńǵaıly bolý úshin saǵat 18:00-den bastap úsh núktede oıyn ótetin stadıonǵa jankúıerlerdi jetkizetin arnaıy avtobýstardyń reısteri uıymdastyrylatyn bolady: «Qazaqstan» SK (Q.Muńaıtpasov dańǵyly boıynsha), «Nur Astana» meshitiniń mańyndaǵy turaqtar (shyǵys jaǵynan), Astanalyq sırktiń janyndaǵy turaq (Qorǵaljyn tas joly boıynsha). Arnaıy reıstik avtobýstarda jol júrý quny qoǵamdyq kólikterdegi jolaqysymen birdeı.
Jankúıerler «Astana-Arena» stadıony aıaldamasynan № 10, 12, 28, 37, 40, 51, 53, 60, 303 baǵyttaryndaǵy avtobýstar arqyly keri qaıta alady.