Beısenbi, 11 qazan 2012 7:15
Ispanııa parlamenti Katalonııa bıliginiń elden bóliný týralyreferendým ótkizý jónindegi qaýlysyna qarsy daýys berdi. Bul týraly«Reıter» aqparat agenttigi habarlady.
Katalonııa turǵyndary osyndaı referendým ótkizý jóninde qyrkúıektiń sońynda másele kótergen edi. Biraq ortalyq bıliktiń qarsylyǵyna baılanysty daýys berý júzege aspady. Katalonııa – Ispanııadaǵy ózindik mádenı jáne salt-dástúri bar eń tabysty aımaqtyń biri bolyp tabylady.
Beısenbi, 11 qazan 2012 7:15
Ispanııa parlamenti Katalonııa bıliginiń elden bóliný týralyreferendým ótkizý jónindegi qaýlysyna qarsy daýys berdi. Bul týraly«Reıter» aqparat agenttigi habarlady.
Katalonııa turǵyndary osyndaı referendým ótkizý jóninde qyrkúıektiń sońynda másele kótergen edi. Biraq ortalyq bıliktiń qarsylyǵyna baılanysty daýys berý júzege aspady. Katalonııa – Ispanııadaǵy ózindik mádenı jáne salt-dástúri bar eń tabysty aımaqtyń biri bolyp tabylady. Bul aımaq sońǵy jyldary Madrıdtiń ekonomıkalyq saıasatyna baılanysty aýyr daǵdarysqa tap bolyp otyr. Katalonııa 1714 jylǵa deıin táýelsiz memleket bolyp kelgen. Ispan monarhııasyna qarsy soǵysta jeńilis taýyp, kúshpen koroldik quramyna qosylǵan-dy.
Japonııaǵa barýdan bas tartty
Qytaıdyń qarjy mınıstri men ortalyq bank basshysy Búkilálemdik bankpen Halyqaralyq valıýta qorynyń jyl saıyn ótetin sessııasynabarýdan bas tartty. Bul jolǵy sessııa 9-14 qazan kúnderi Japonııada ótýitıis bolatyn.
«Frans-press» agenttiginiń habarlaýynsha, QHR tarapy osy eldiń ortalyq bank basshysy Chjoý Sıaochýannyń Japonııaǵa barmaıtynyn jáne sessııada sóz sóılemeıtinin Halyqaralyq valıýta qoryna eki kún buryn málimdegen. Onyń ornyna Tokıoǵa bank basshysynyń orynbasary keletin kórinedi. Al QHR qarjy mınıstri Se Sıýıjeni onyń orynbasary almastyrmaq. Qytaı mınıstri men bank basshysynyń sapardan nendeı sebepterden bas tartqany jóninde resmı aqparat joq. Resmı emes derek kózderi ol Qytaı men Japonııa arasyndaǵy Senkaký aralyna qatysty týyndaǵan daýǵa baılanysty degendi aıtady.
Qaýip jaqyndaı túskendeı me?
AQSh pen Izraıl bıligi jarııa túrdegi kózqaras alshaqtyǵynaqaramastan, sońǵy kúnderi olardyń Iranǵa qarsy áskerı operasııamáseleleri jónindegi ustanymdary aıtarlyqtaı jaqyndaı túsken.Bul týraly AQSh-tyń belgili saıasatkeri Devıd Rotkopf «Foreign Policy»jýrnalynda jarııalanǵan maqalasynda atap ótken.
Saıasatkerdiń maqalada keltirgen derekterine qaraǵanda, Vashıngton men Ierýsalım birlese otyryp, Irannyń ıadrolyq nysandaryna «hırýrgııalyq» soqqy berý múmkindigin qarastyrýda. Mundaı operasııa birneshe saǵatqa nemese eki táýlikke sozylatyn bolady. Oǵan negizinen strategııalyq bombalaýshy ushaqtar, áýe qorǵanys kúshteri tartylady. Maqalada, sondaı-aq bul operasııa prezıdenttikke túsken Barak Obamaǵa upaı jınaý úshin qajet ekendigi de atalǵan.
Strategııasyn ári qaraı jalǵastyrady
Tbılısıde parlamenttik saılaýdan keıin el prezıdenti MıhaılSaakashvılı men «Grýzın armany» koalısııasynyń lıderi BýdzınaIvanıshvılıdiń alǵashqy kezdesýi boldy. Kezdesý qorytyndysyndataraptar Grýzııa NATO-men jáne EO-men jaqyndasýdy jalǵastyraberetinine ýaǵdalasty.
«Interfaks» agenttiginiń habarlaýynsha, «Grýzın armanynyń» strategııasy eldiń burynǵy úkimetiniń strategııasymen uqsas keledi. B.Ivanıshvılıdiń málim etkenindeı, Grýzııa NATO-ǵa múshelikke kiredi. О́z kezeginde M.Saakashvılı qazirgi ýaqytta Grýzııada bılikti oppozısııaǵa demokratııalyq jolmen berý «tarıhı úderisi» júrip jatqanyn aıtqan. «Biz úkimettiń úlken bóligin beıbit jolmen ótkizýdemiz, – degen ol osy jóninde. – Grýzın halqy óz tańdaýyn jasady, biz óz halqymyzdyń tańdaýyn qurmetteımiz».
150 áskerı maman jiberdi
AQSh qorǵanys mınıstrligi qupııa túrde Iordanııaǵa joǵary shendi ofıser basshylyq etetin, 150 áskerı mamandardan turatyn top jibergen. Jergilikti basylymdardyń málimetteri boıynsha, amerıkalyq áskerıler Ammannyń soltústigindegi bazaǵa ornalastyrylǵan.
Áskerı quramada baılanys ofıserleri, logıstıka jáne josparlaý mamandary, áskerı nusqaýshylar, sondaı-aq bosqyndar jáne kóshi-qon jónindegi sarapshylar bar. Bul toptyń qazirgi basty maqsaty – kórshiles Sırııa elinen keletin barlyq bosqyndarǵa qajetti kómekter kórsetý. Sonymen qatar, Sırııadaǵy soǵys órti Iordanııa aýmaǵyn da sharpýǵa múmkindiginshe jol bermeý. О́ıtkeni, resmı Amman Vashıngtonnyń osy aımaqtaǵy basty odaqtastarynyń biri bolyp tabylady.
Gıtler týraly serıal túsirmek
Germanııa Adolf Gıtler týraly segiz serııaly telefılm túsirmek. Bul jóninde Kannda ótken jyl saıynǵy MIRSOM televızııalyq kórmesinde prodıýserler Nıko Hofmann men Iаn Moıto málimdegen.
Telefılm 1914 jylǵy Gıtlerdiń birinshi dúnıejúzilik soǵysta áskerı qyzmet atqarǵan kezinen bastalyp, onyń 1945 jyly ólgenimen aıaqtalatyn kórinedi. Serıaldy túsirýshiler ultshyl baskeserdiń ómirbaıanyndaǵy negizgi sátterdi, onyń ishinde Gıtlerdiń radıkalızasııalaýǵa qalaı kelgenin jáne Holokost jóninde kórsetpek. Fılmniń ssenarııimen jáne rejıssýrasymen nemis Nıkı Shtaın aınalyspaq. Al Gıtlerdiń rólin kim oınaıtyny qazirge belgisiz.
Internet materıaldary negizinde ázirlendi.