Aqtaýdaǵy «Oımasha» jáne Mańǵystaý oblysynyń Beıneýdegi «Beket ata» polıgondarynda «Batys» О́ńQ áskerı bólimderiniń 30-dan asa tank ekıpajy kúndizgi jáne túngi ýaqytta shtattyq oq atýlardy ótkizdi.
Tankishiler shartty nysanalar boıynsha T-72 tankisiniń qarý-jaraǵynan dáldep atý sheberlikterin pash etti. Oq atýlardy ótkizýdiń basty maqsaty áskerı qyzmetshilerdiń jaýyngerlik daıarlyq deńgeıin arttyrý, shtattyq qarý-jaraqtan olardyń oq atý sheberlikterin jetildirý, atysty basqarýdy durys uıymdastyrýdaǵy praktıkalyq mashyqty ıgerý boldy.
Ekıpajdar baqylaý oq atýdyń birinshi jattyǵýyn oryndady. Onyń barysynda 1600 metr qashyqtyqtan shartty tankter boıynsha 900 metrge deıingi qashyqtyqtan avtomobılde qol tankige qarsy granataatqysh pen serpilmeıtin zeńbirek jáne 700 metrden qol tankige qarsy granataatqyshpen oq atýdy júrgizdi. Odan basqa, tankishiler tankige atys jıyntyǵyn salý, tanktiń bólimshesi men qarý-jaraǵyn joryqtyq qalyptan jaýyngerlikke jáne keri qaraı kóshirý jónindegi praktıkalyq normatıvterdi oryndady.
Osy jyldyń shtattyq oq atýlary barysynda áskerı qyzmetshiler alǵash ret arnaıy aspaptar men túngi kórý kózdeýishterin qoldana otyryp, tabıǵı jaryqtyń bolmaýy jaǵdaıynda jaýyngerlik oq atýlardy ótkizgenin aıryqsha atap ótý qajet. Shekteýli vızýaldy kórinýshilik jaǵdaılarynda jaýyngerlik oq atýlar jattyǵýyn oryndaıtyn baılanysty uıymdastyrý men ekıpajdardy basqarýǵa erekshe kóńil bólindi. T-72 tankisi qarý-jaraǵynan shtattyq oq atýlar jyl saıyn jylyna eki ret ótkiziledi jáne dál osy jerde, ıaǵnı, polıgonda tankishi naǵyz kásipqoıǵa aınalady. Sebebi, mundaı shtattyq jattyǵýlar jeke quramnyń tankti oq atýdyń qýattylyǵyn sezinip, áreket etýde urys mashınalaryn kórip, ózderiniń jaýyngerlik daıarlyqtaryn jaqsartýǵa baǵyttalǵan.
Oq atýlardyń qorytyndysy boıynsha 1-shi tankti rotasynyń komandıri aǵa leıtenant Mıras Borambaevtyń ekıpajdary, ıaǵnı, tank komandırleri Aldabergen Beksultan men kishi serjant Medet Ábiltaev úzdik nátıjeler kórsetti. Olardyń ekıpajdary barlyq tıisti normatıvterdi sapaly ári jyldam oryndap, barlyq mejelerge dóp tıgizdi.
Gúlaıym ShYNTEMIRQYZY,
«Egemen Qazagstan»
Mańǵystaý oblysy