Astana-Arena stadıonynda ótken kezdesý 0-4 esebimen qonaqtardyń paıdasyna aıaqtaldy.
Qazaqstan quramasy oıyndy shıraq bastaǵan bolatyn. Alaıda birinshi taımnyń sońynda Denıs Cheryshev qaqpany dál kózdep, Reseıdi alǵa shyǵardy. Osy Denıs úziliske keter tusta taǵy da mergendigimen tanyldy.
Ekinshi taımda da ulttyq quramanyń oıyny júrgen joq. Kerisinshe reseılikterdiń asyǵy alshysynan tústi. 52-mınýtta Artem Dzıýba esepti 0-3-ke jetkizse, on mınýttan keıin Abzal Beısebekov óz qaqpasyna gol soǵyp aldy.
Osylaısha, eki oıynnan keıin Qazaqstan quramasy bir jeńis, bir jeńilispen 3 upaıdy qorjynǵa saldy.