The Associated Press aqparattyq agenttigi Nursultan Nazarbaevtyń elde turaqtylyq pen beıbitshilik ornatqan kóshbasshy retinde bedeli zor ekenin jetkizdi.
Táýelsiz Qazaqstannyń Tuńǵysh Prezıdenti, dara kóshbasshy Nursultan Nazarbaev otyz jyldyq basqarýdan keıin seısenbide óziniń Prezıdenttik ókilettigin toqtatý týraly sheshim qabyldady.
«Táýelsiz Qazaqstannyń negizin qalaýshy retinde bılikke jańa tolqyn kóshbasshylarynyń kelýin qamtamasyz etý – meniń mindetim» dedi ol óz málimdemesinde. Aldaǵy ýaqytta Nazarbaev óziniń «Elbasy» jáne «Ult kóshbasshysy» qurmetti ataqtaryn saqtap qana qoımaı, mańyzdy saıası bılikke ıe bolyp qala beredi. Sonymen qatar ol eldiń Qaýipsizdik Keńesiniń Tóraǵasy jáne «Nur Otan» basqarýshy partııasynyń basshysy bolyp qala beretinin málimdedi…»
«Nazarbaev 1989 jyly respýblıkanyń Kommýnıstik partııasynyń basshysy retinde Qazaqstannyń jetekshiligine keldi jáne 1991 jyly KSRO ydyramastan birneshe apta buryn alǵash ret onyń Prezıdenti bolyp saılandy, nátıjesinde el táýelsizdigin aldy. Sol kezderi Qazaqstan óziniń túrmelerimen, ıadrolyq synaq oryndarymen jáne Keńes ǵarysh baǵdarlamasy sheńberinde Baıqońyr ǵarysh aılaǵynyń ornalasqan orny retinde ǵana tanymal oqshaýlanǵan aımaq boldy. Sondyqtan da Nazarbaev turaqtylyq pen ultaralyq beıbitshilikti qoldaǵan Qazaqstandy qurǵany úshin úlken qoldaýǵa ıe boldy...»
«Ol Reseı men Batys arasyndaǵy balansty saqtaı bildi. Qazaqstan Prezıdenti shetelde munaı ónerkásibin jańǵyrtqany jáne ıadrolyq qarýdan bas tartý týraly sheshimi úshin úlken bedelge ıe boldy».
«1997 jyly Nazarbaev el astanasyn Almatydan soltústiktegi Astana qalasyna kóshirdi ...Jańa qala postmodernıstik arhıtektýraǵa toly boldy, onyń ishinde dinı jáne etnıkalyq toptardyń arasyndaǵy úılesimdilikti dáripteý ornyna aınalǵan «Beıbitshilik pen kelisim saraıy» shyny pıramıdasy da bar».