Qazaq eliniń tuńǵysh Prezıdenti, «Nur Otan» partııasynyń Kóshbasshysy Nursultan Nazarbaev tarıhı óte mańyzdy sheshimin jarııa etti. Áleýmettik jelilerde halyqtyń qımastyqpen, sondaı baýyrmaldyq sezimmen jazyp jatqan pikirlerin oqyp, Elbasymyzben marqaıa maqtanyp otyrmyz.
Jeke memleket bolyp qurylǵan alǵashqy kúnnen bastap táýelsiz Qazaqstan beıbitshilik pen turaqtylyqty mejege aldy. Damýdyń dara jolynda halyqtyń áleýmettik ahýalyn jaqsartý, ekonomıkalyq ósim men ulttyq rýhty asqaqtatý, halyqtyń rýhanı jańǵyrýyna basa kóńil bólý eń aldymen Nursultan Nazarbaevtyń kóregendigin ańǵartsa kerek.
Qazaqstan da birer jyldan keıin úsh ondyqtyń belesin artqa tastamaq. Bul aralyqta Azııa keńistiginde ekonomıkasy turaqty, ál-aýqaty artqan eldiń kóshin bastaǵan memleketimiz álemniń alpaýyt derjavalarynyń aldynda bıik bedelimen daralandy.
Bizdiń Shyǵys Qazaqstan úshin, uly Abaıdyń eli úshin Elbasy eńbeginiń joǵary jetistigi – ıadrolyq qarýdan bas tartýy. 130-dan astam ulttyń ókilin biriktirgen jas memlekettiń birligi tórtkúl tarapqa ónege boldy.
Nursultan Ábishuly – «Nur Otan» partııasynyń Kóshbasshysy, negizin qalaýshy tarıhı tulǵa. Prezıdenttik mindetten ketse de, júregi, tilegi, alǵa qoıǵan mejesi – halyqpen birge bolý. Olaı bolsa, Kóshbasshymyzben birge nyq qadam basa otyryp, partııa tarıhynyń jańa kezeńin bastaımyz.
Al Elbasymyzdyń Elordamyz – Astananyń salynýyna, aıaǵynan qaz turýyna, álemge tanylýyna sińirgen eńbegi ushan teńiz. Sondyqtan Astana qalasyna Nur-Sultan ataýynyń berilýi óte oryndy ári laıyqty sheshim bolǵany anyq.
Ánýarbek MUHTARHANOV,
«Nur Otan» partııasy oblystyq fılıaly tóraǵasynyń birinshi orynbasary
О́SKEMEN