Elordaǵa Nur-Sultan ataýynyń berilýin qoldaý maqsatynda elimizdiń túkpir-túkpirinde merekelik is-sharalar ótip jatyr. El astanasy Nur-Sultan bolyp atalýyna nıet bildirgen elordalyqtar da merekelik án shashýmen qarsy aldy.
Astana qalasy ákimdiginiń uıymdastyrýymen ótken is-sharaǵa Astana qalasy Mádenıet jáne sport basqarmasynyń basshysy Bolat Majaǵulov, Qazaqstan Jazýshylar odaǵy Astana qalasy fılıalynyń dırektory Dáýletkereı Kápuly, Májilis depýtaty Bekbolat Tileýhan, elimizdiń eńbek sińirgen qaıratkerleri men qala qonaqtary, elordalyqtar qatysty. Qalalyq ákimdik alańy merekeni toılaǵan halyqqa lyq tolyp, óner juldyzdary ónerlerin kórsetti.
«Eldik pen birliktiń elordasy – Nur-Sultan» merekelik konsertinde jurtshylyq Qazaqstannyń Tuńǵysh Prezıdenti-Elbasynyń memleket qurýdaǵy róli týraly pikirlerin bildirdi. «Zlata» bolgar etnomádenı birlestiginiń tóraǵasy Olga Andrıevskaıa memlekettiń barlyq tabysyna elimizdegi turaqtylyqtyń, tynyshtyqtyń jáne 100-den astam etnos ókilderi dostyǵynyń arqasynda qol jetkizilgenin aıtady.
– Elbasymyzdyń halyqqa joldaǵan málimdemesin estigende túrli sezimge boı aldyrdyq. Bir jaǵynan qımastyq bılese, ekinshi jaǵynan osy kúnge jetkizgen Prezıdentimizdiń eńbegine alǵysymyzdy bildirdik. Osyndaı damyǵan memlekette ómir súrgenim úshin baqyttymyn. Balalar men analar, el turǵyndary, sondaı-aq ár saladaǵy qyzmetkerler árdaıym memleket qamqorlyǵynda bolyp keledi. Osydan jıyrma jyl buryn astanamyzdyń gúldenýine kúmánmen qaraǵandardyń qarasy basym edi. Al búgingi damýyna qarańyzshy, kúnnen kúnge qulpyryp keledi. Qalanyń Nur-Sultan atalýy oryndy dep bilemin, – deıdi Olga Andrıevskaıa.
Elbasy árdaıym sportshylar men shyǵarmashyl jastarǵa, jas óner ıelerine qoldaý kórsetip kelgeni málim. Bul oraıda Qazaqstandy qýatty elge aınaldyrý jolyndaǵy Elbasynyń eleýli eńbegine el jastary dán razy ekenin aıtady.
– Sport – salamatty ómir saltyn qalyptastyrýdyń negizgi kepili. Memleket dene tárbıesine erekshe kóńil bólip, sport salasyn damytýǵa jaǵdaı jasap kele jatqanyn ózderińiz kórip otyrsyzdar. Tuńǵysh Prezıdent Nursultan Nazarbaev respýblıkamyzda jastardyń ómirden óz ornyn tabýyna biregeı múmkindikter berip, sapaly bilim alýdyń mańyzdylyǵyna nazar aýdaryp keledi. Halyq ıgiligi úshin atqarylyp jatqan bastamalarǵa qoldaý kórsetýge qashanda ázirmiz, – deıdi Qazaqstannyń eńbek sińirgen sport sheberi, boksshy Lázzat Kúngeıbaeva.
О́zindik qyzyqqa toly oıyn-saýyq baǵdarlamasynda kóńilde jattalǵan ásem ánder tartý etilip, ónerpazdar astanalyqtar men qala qonaqtaryna kúni boıy kóterińki kóńil kúı syılady. Qala turǵyndary bir-birin jańa belespen quttyqtap, merekeni keń kólemde atap ótti.
Aıa О́MIRTAI,
«Egemen Qazaqstan»