Parlament Senatynyń Tóraǵasy Darıǵa Nazarbaeva Atyraýda qyzdy qutqaramyn dep qaza tapqan polısııa qyzmetkeriniń otbasyna kóńil aıtyp jedelhat joldady. Bul týraly Parlament Senatynyń baspasóz qyzmeti habarlady.
«Balalaryńyz, patrýldik polısııa qyzmetkeri Shalqar Kóshkinbaıuly Aqymǵalıev basqa adamnyń ómirin qutqaramyn dep óz ómirin qıdy, naǵyz erlik kórsetti. Bul Qazaqstan úshin de orny tolmas aýyr qaıǵy. Mundaı erlik jáne azamattyq – basqalarǵa da, ósip kele jatqan jastarǵa da erekshe úlgi. Naǵyz Batyrdy tárbıelegenderińiz úshin Sizderge bas ıemiz», delingen Atyraý oblysy, Mahambet aýdany, Bereke aýylynda turatyn Aqymǵalıevter otbasyna joldanǵan jedelhatta.