Nursultan Ábishuly Nazarbaev – álemniń qazirgi tarıhyndaǵy kemeńger tulǵa. Meni qatty tańǵaldyratyny onyń zaman tynysyn tap basyp tanıtyny. Búgingi álemniń kúretamyrynyń búlkilin dóp basyp sezine alatyn qasıeti onyń Uly dalanyń asyl prezenti ekendigin kórsetip tur.
Babalar armandaǵan izgi úmitti jalǵap, halyqtyń el bolýdyń aldyndaǵy san kúdigin seıiltý, táýelsizdiktiń jarqyn beınesin qalyptastyrýdaǵy Elbasynyń eńbegi ushan-teńiz. Ardaqty ulyn ulyqtaǵan ulaǵatty ultymyz da tuńǵysh basshysynyń eńbegin joǵary baǵalaıdy.
Qazaqstan halqy úshin Nursultan Ábishuly – túrikterdiń Atatúrki, orystardyń I Petr, Amerıka jurtshylyǵynyń Rýzvelti, evreı ultynyń Ben Gýrıony, Sıngapýr halqynyń Lı Kýan Iý sııaqty qaıratkeri jáne túrki áleminiń abyzy.
Biz Nazarbaev basqarǵan memlekette ómir súrip, jumys istegenimizdi árdaıym maqtan tutýymyz qajet. Onyń aıqyn dáleli elimizdegi tatýlyq pen yntymaqtyń biregeı úlgisin jahan jurtshylyǵy zerdelep, Nazarbaev modeli dep baǵa berdi.
Búginde Qazaqstan halqynyń aldynda úlken mindetter tur. Alaıda kemeńger basshy halqyna qyzmet etýdi jalǵastyrady, ıaǵnı eldegi jetekshi «Nur Otan» partııasynyń Tóraǵasy, Qaýipsizdik Keńesiniń Tóraǵasy retinde qyzmet ete bermek. Bul Elbasynyń halqynyń tynysymen birge tynystaıtynyn kórsetedi.
Satybaldy IBRAGIMOV,
qoǵam qaıratkeri