Joba iske asyrylǵan 4 jylda jalpy somasy shamamen 4,9 trln teńge bolatyn 480 joba iske qosylyp, 44 myńnan astam turaqty jumys orny quryldy. Bul týraly Indýstrııa jáne ınfraqurylymdyq damý mınıstri R.Sklıar Úkimet otyrysynda aıtty.
«Joba aıasynda taý-ken metallýrgııa kesheni (40), hımııa (28), farmasevtıka (6), jeńil(21) jáne azyq-túlik (23) ónerkásibi, mashına jasaý (55), qurylys ındýstrııasy (146), energetıka (13), munaı óńdeý (20), agroónerkásip kesheni jáne aýyl sharýashylyq ónimderin óńdeý (122) jumystary iske asyryldy», dedi R.Sklıar.
Mınıstrdiń aıtýynsha, esepti kezeńde baǵdarlamanyń barlyq maqsatty ındıkatorlary boıynsha oń nátıjege qol jetkizildi.
«Esepti kezeńde jalpy ishki ónimdegi óńdeý ónerkásibiniń úlesi 10,1%-ten 11,6%-ke deıin, saladaǵy jumyspen qamtylǵandar úlesi 6,6%-ten 6,9%-ke deıin ósti», dedi ol.