Tuńǵysh Prezıdentke kórsetilgen qurmet joǵary - Baqytjan Jumaǵulov

Halyq­tyń arasynda júrip, kóp nárseni kókeıge túıdim. Son­dyqtan estigenimdi emes, kór­ge­nim­di, júregime túıgenimdi aıt­qym keledi. Aldymen, biz búgin shyn máninde tarıhı sátti bas­tan keshirip jatqanymyzǵa nazar aýdarsam deımin. Elbasynyń tarıhı sheshimi men eldiń damý jolyndaǵy tyń ózgerister halyq tarapynan qyzý qoldaý tabýda. Halyq Elbasy Nursultan Ábishulynyń aınaldyrǵan 30 jyldyń ishinde búkil álem moıyndaǵan, alpaýyt elderdiń ózderi sanasatyn, ekonomıkasy turaqty, saıası áleýeti zor, qýat­ty memleket qurǵanyn erek­she aıtyp, ózderiniń sheksiz rı­za­shylyqtaryn jetkizýde. Elba­synyń esimi el tarıhyna altyn árippen jazylatyn tulǵa bolyp qalatynyn da aıtyp, ózderiniń qoldaýlaryn bildirip jatyr. Elbasy Qazaqstandy saıa­sı turaqty, búkil álem tany­ǵan jáne qur­metteıtin, zamanaýı, qar­qyndy damyp kele jat­qan ozyq memleketke aınaldyra bildi. Qazaqstan barlyq ek­o­­nomıkalyq kórsetkishter bo­ıyn­sha Ortalyq Azııanyń kóshbasshysyna aınaldy. Tuń­ǵysh Prezıdenttiń eren eńbe­gi­niń arqasynda biz álemniń bá­se­kege qabiletti 50 eliniń qata­ry­na qosyldyq. Aldymyzda da­my­ǵan 30 eldiń qataryna enýge b­a­ǵyt­talǵan naqty maqsattar tur. 

XXI ǵasyrda jańa Astana­myzdyń boı kóterýi de Tuńǵysh Pre­­zı­denti­mizdiń eń basty er­lik­­teriniń biri. Bar-joǵy 20 jyl­da bas qalamyz Təýel­siz eli­mi­zdiń shynaıy bet-beınesine, hal­qy­myzdyń maqtanyshyna aınal­dy. Astanamyz, ótkenniń qun­dy­­lyq­taryn kórsete otyryp, kúlli əlemge Qazaqstan­nyń jańa beı­nesin kórsetti. Elbasynyń osyndaı qyrýar eńbek­terin el bolyp baǵalap, Parlamenttiń biraýyzdan qabyldaǵan sheshimi negizin­de Qazaqstan Prezıdenti Qasym-Jo­mart Toqaev Astana qala­syn Nur-Sul­tan dep ataý týraly Jarlyqqa qol qoı­dy. О́z basym bul qadamdy halyq­tyń Qazaq­stannyń Tuńǵysh Prezı­dentine kórsetken qurmeti dep bile­min jáne ony tolyǵymen qol­daımyn. Sondaı-aq bul sheshim­di ýaqtyly jáne oryndy qaby­ldandy dep esepteımin. Dál osyndaı sózdi eldegi zııaly qaýym ókilderi, ǵalymdar men ınjenerler de aıtýda.

Baqytjan JUMAǴULOV,

Senat depýtaty