Qazaqstandyq tennısshi Iýlııa Pýtınseva AQSh-tyń Maıamı qalasynda ótip jatqan halyqaralyq týrnırdiń shırek fınalyna shyǵa almady.
Júlde qory 9 035 428 dollardy quraǵan jarystyń bastapqy úsh básekesinde Iýlııa óte jaqsy óner kórsetti. Ol belgııalyq Krısten Flıpkens, shveısarııalyq Belında Benchıch jáne lıtvalyq Anastasııa Sevastova syndy myqtylarǵa san soqtyrdy. Tórtinshi aınalymda Pýtınsevanyń joly Karolına Plıshkovamen qıysty. Kezinde álemdik reıtıngte kósh bastap, qazirgi kezde WTA tiziminde jetinshi orynda turǵan Chehııanyń ataqty tennısshisine jerlesimizdiń áli jetpedi. Úsh settik saıys 2:6, 6:3, 7:5 esebimen aıaqtaldy.
Sondaı-aq, Maıamıdegi týrnırde Qazaqstannyń taǵy eki oıynshysy baq synaǵan bolatyn. О́kinishke qaraı, olardyń joldary bolmady. Mıhaıl Kýkýshkın tusaýkeser kezdesýde argentınalyq Gıdo Andreossıge ese jiberse, Aleksandr Býblık ekinshi kezeńde avstralııalyq Nık Kırostan jeńildi.
Ǵalym SÚLEIMEN,
«Egemen Qazaqstan»